//single page style gallary page

Questions? reply in 15 minutes!

Questions? reply in 15 minutes!

పెళ్లిళ్ల రిజిస్ట్రేషన్‌ను తప్పనిసరి

Category : editorial

పెళ్లిళ్ల రిజిస్ట్రేషన్‌ను తప్పనిసరి చేయాలని కేంద్రానికి లా కమిషన్ గట్టిగా సిఫార్సు చేసింది. దీనివల్ల వైవాహిక అక్రమాలను అడ్డుకోవడానికి వీలవుతుందని పేర్కొంది. పెళ్లికి సంబంధించిన రికార్డులు లేని కారణంగా భార్య హోదా దక్కకుండా చేయడం నుంచి కూడా మహిళలకు రక్షణ కల్పించేందుకు వీలవుతుందని అభిప్రాయపడింది. 

పెళ్లిళ్లను తప్పనిసరిగా నమోదు చేయని కారణంగా పలువురు పెళ్లిళ్లు చేసుకుని మహిళలను మోసం చేస్తున్నారని  ప్రభుత్వానికి సమర్పించిన నివేదికలో లా కమీషన్  స్పష్టం చేసింది. దీనివల్ల మహిళలకు సామాజిక గుర్తింపు కానీ, చట్టపరమైన భద్రత కానీ లేకుండా పోతోందని లా కమిషన్ పేర్కొంది. 

ఇలాంటి వివాహాలు ముఖ్యంగా ప్రవాస భారతీయుల విషయంలో తరచూ చోటు చేసుకుంటున్నాయని, తప్పనిసరిగా రిజిస్టర్ చేయడం వల్ల అందరి ఆమోదంతో జరిగే పెళ్లిళ్లలో పాటించే షరతులను పాటించేలా చేయవచ్చని నివేదిక పేర్కొంది. వివాహాల రిజిస్ట్రేషన్‌ను తప్పనిసరి చేస్తూ 1969నాటి జనన మరణాల రిజిస్ట్రేషన్ చట్టంలో ఓ చిన్నపాటి సవరణను చేరిస్తే సరిపోతుందని, వివాహాల చట్టాలను సవరించాల్సిన అవసరం లేదని కూడా లా కమిషన్ ఆ నివేదికలో అభిప్రాయపడింది. 

మహిళలకు భార్య హోదా, అలాంటి వివాహ బంధంవల్ల పుట్టే పిల్లలకు చట్టబద్ధమైన హక్కులు లేకుండా చేయడాన్ని నిరోధించడానికి వివాహాల రిజిస్ట్రేషన్‌ను తప్పనిసరి చేయాలని న్యాయస్థానాలు పదే పదే నొక్కి చెప్పిన విషయాన్ని కమిషన్ తన నివేదికలో గుర్తు చేసింది. 

2012లో దీనికి సంబంధించి ఒక సవరణ బిల్లును 2013లో రాజ్యసభ ఆమోదించింది.  కానీ 2014లో 15వ లోక్‌సభ రద్దు కావడంతో ఆ బిల్లుకు కాలం చెల్లిపోయింది. దేశ జనాభా, భిన్న మతాలు, సంప్రదాయాల దృష్ట్యా ప్రతి పెళ్లిని తప్పనిసరిగా రిజిస్టర్ చేయడం కష్టమనే ప్రచారం చేస్తున్నారని, అయితే ఇది ఎంత కష్టమైనప్పటికీ దీనివల్ల కలిగే ప్రయోజనాలను తోసిరాజనలేమని కమిషన్ అభిప్రాయపడింది. ఒకసారి ఇది చట్టంగా మారితే చాలా సివిల్, క్రిమినల్ చట్టాలను సమర్థవంతంగా అమలు చేయడానికి వీలవుతుందని కూడా కమిషన్ అభిప్రాయపడింది.

Related News