//single page style gallary page

Questions? reply in 15 minutes!

Questions? reply in 15 minutes!

ఐదు రూపాయలిచ్చి అత్యాచారం...అరవై ఏళ్ల వృద్ధుడి అకృత్యం

Category : national

చిన్నా.. పెద్దా.. అన్న తేడా లేకుండా చిన్నారులు, మహిళలపై మృగాళ్ల లైంగిక దాడులు కొనసాగుతున్నాయి.

తాజాగా దేశ రాజధాని ఢిల్లీలో దారుణం చోటుచేసుకుంది. అభంశుభం తెలియని ఇద్దరు చిన్నారులపై 60 ఏళ్ల వ్యక్తి లైంగిక దాడి చేసిన ఘటన ఢిల్లీలోని పాలం ప్రాంతంలో చోటుచేసుకుంది. వివరాల లోకి ఢిల్లీలోని పాలం ప్రాంతంలో చోటుచేసుకున్న ఈ ఘటన ఆలస్యంగా వెలుగుచూసింది.

60 ఏళ్ల వృద్ధుడు ఇద్దరు మైనర్‌ బాలికలపై లైంగిక దాడికి పాల్పడ్డాడు. నిందితుడు తన ఇంటిపక్కనే ఆడుకుంటున్న ఐదు, తొమ్మిది సంవత్సరాలున్న ఇద్దరు చిన్నారులను స్వీట్లు ఇస్తానని ఇంట్లోకి పిలిచి వారిపై అత్యాచారం చేశాడని పోలీసులు చెప్పారు. ఈ విషయం ఎవరికీ చెప్పవద్దంటూ వారికి 5 రూపాయలు ఇచ్చాడని ఢిల్లీ డీసీపీ మిలింద్‌ మహదేవ్‌ తెలిపారు.

ఓ అమ్మాయి ఏడుస్తూ ఇంటికి వెళ్లి తన తల్లిదండ్రులకు జరిగిన సంఘటన చెప్పింది. దీంతో వాళ్లు పోలీసులకు ఫిర్యాదు చేశారు. పోలీసులు కేసు నమోదు చేసుకొని నిందితుడిని అదుపులోకి తీసుకున్నారు.