//single page style gallary page

Questions? reply in 15 minutes!

Questions? reply in 15 minutes!

వివాహేతర సంబంధం : కన్నతల్లిని చంపిన కొడుకు

Category : national

రోజు రోజుకీ మానవ సంభందాలు మంట గలుస్తున్నాయి. తన కన్నతల్లిని గొంతు పిసికి చంపేసి, ఆపై శరీరాన్ని కరోసిన్‌ పోసి తగలబెట్టిన ఘటనలో.. తిరువనంతపురం పోలీసులు 22 ఏళ్ల ఇంజినీరింగ్‌ విద్యార్థిని అరెస్ట్‌ చేశారు. క్రిస్మస్‌ పండగ రోజే కన్నతల్లిని అక్షయ్‌ దారుణంగా హత్య చేశాడని పోలీసులు నిర్ధారించారు.

సగం కాలిన శరీరాన్ని ఇంటి ఆవరణలోనే పాతిపెట్టడం పోలీసులను సైతం నెవ్వరపరిచింది. కన్నతల్లిని అత్యంత కిరాతకంగా హత్య చేసిన ఇంజినీరింగ్‌ విద్యార్థి అక్షయ్‌ని పోలీసులు గురువారం అదుపులోకి తీసుకున్నట్లు జిల్లా పోలీస్‌ అధికారి ఎస్‌ ప్రకాష్‌ తెలిపారు. కన్నతల్లి దీపా అశోకన్‌కు మరో వ్యక్తితో అక్రమసంబంధం పెట్టుకుందని అక్షయ్‌ పోలీసులు విచారణలో వెల్లడించారు.

అక్రమసబంధం మంచిదికాదు.. మానుకోవాలని పలు సార్లు తల్లితో చెప్పినట్లు అక్షయ్‌ పోలీసులకు తెలిపారు. అదే సమయంలో తన కాలేజీ ఫీజులు, ఇతర అవసరాల కోసం డబ్బివ్వమంటే ఇవ్వడం లేదని.. అక్రమసంబంధం పెట్టుకున్న వ్యక్తికి ఇస్తుండడం ఆగ్రహం తెప్పించిందని తెలిపారు. ఈ ఘటనతో కోపం తెచ్చుకున్న అక్షయ్‌, కన్నతల్లి దీపను హతమార్చినట్లుగా పోలీసులు చెబుతున్నారు.

ఇదిలావుండగా.. 50 ఏళ్ల దీపా అశోకన్‌ తిరువనంతపురంలో ఎల్‌ఐసీ ఏజెంట్‌గా పనిచేస్తున్నారు. ఆమె భర్త మస్కట్‌లో ఉద్యోగం చేస్తుండగా.. కుమార్తె మరో దేశంలో ఉద్యోగం చేస్తోంది. డీఎన్‌ఏ పరీక్షలో మృత దేహం దీపా అశోకన్‌దేనని నిర్ధారణ అయినట్లు పోలీసులు తెలిపారు.