Questions? reply in 15 minutes!

Questions? reply in 15 minutes!

" మహర్షి " కలెక్షన్ల సునామీ..... సూపర్ స్టార్ కెరీర్ లోనే బిగ్గెస్ట్ గ్రాసర్..

Category : movies

సూపర్ స్టార్ మహేష్‌ బాబు హీరోగా నటించిన సందేశాత్మక చిత్రం ‘మహర్షి’ బాక్సాఫీసు వద్ద వసూళ్ల సునామీని సృష్టిస్తోంది. ఈనెల 9 న విడుదలైన ఈ చిత్రం తొలి నాలుగు రోజుల్లోనే ప్రపంచ వ్యాప్తంగా 100 కోట్ల గ్రాస్ 75 కోట్ల షేర్ వసూలు చేసినట్లు నిర్మాతలు వెల్లడించారు. ఇప్పుడు వారం రోజులు పూర్తికాక ముందే మహేష్ బాబు కెరీర్‌లోనే అత్యధిక గ్రాస్ వసూలు చేసిన చిత్రంగా రికార్డు సృష్టించిందని ప్రకటించారు. ఈ మేరకు ‘మహర్షి’ సినిమా నిర్మాణ సంస్థల్లో ఒకటైన శ్రీ వెంకటేశ్వర క్రియేషన్స్ ట్విట్టర్ ద్వారా వెల్లడించింది. ఈ చిత్రాన్ని ‘ఎపిక్ బ్లాక్ బస్టర్’గా అభివర్ణిస్తోన్న శ్రీ వెంకటేశ్వర క్రియేషన్స్.. విడుదలైన వారం రోజుల వ్యవధిలో అత్యధిక గ్రాస్ వసూలు చేసిన మహేష్ బాబు తొలి చిత్రం ‘మహర్షి’ అని ట్వీట్ చేసింది. అయితే ఆ గ్రాస్ ఎంతో వెల్లడించలేదు.

ఇదిలా ఉంటే, తెలుగు రాష్ట్రాల్లో తొలి ఆరు రోజుల్లో ‘మహర్షి’ 56.54 కోట్ల షేర్ వసూలు చేసినట్లు తెలుస్తోంది. ఇండస్ట్రీ టాక్ ప్రకారం రెండు తెలుగు రాష్ట్రాల్లో గత రెండు రోజులుగా ‘మహర్షి’ వసూళ్లు తగ్గాయి. తొలిరోజు 24.67 కోట్ల షేర్ వసూలు చేసిన ఈ సినిమా.. రెండో రోజు 7.96 కోట్లతో సరిపెట్టుకుంది. ఇక మూడో రోజు 8.01 కోట్లు, నాలుగో రోజు 8.25 కోట్లు, ఐదో రోజు 4.2 కోట్లు, ఆరో రోజు 3.45 కోట్లు వసూలు చేసినట్లు చెబుతున్నారు. అలాగే ఈ సినిమా నైజాం వంటి మాస్ ఏరియాల్లో 20.25 కోట్లతో తిరుగులేని వసూళ్లను రాబడుతోంది. మొత్తంగా చూసుకుంటే వారం రోజులు పూర్తి కాకముందే ‘మహర్షి’ రెండు తెలుగు రాష్ట్రాల్లో 75 కోట్ల షేర్ రాబట్టిందని సమాచారం. ఇంకొన్ని రోజుల వరకు పెద్ద సినిమా లా రిలీజ్ లేమి లేకపోవడం తో ఈ సినిమా వసూళ్ల కే ఏం పరవాలేదు. అంతే కాకుండా ఈ సినిమా లాంగ్ రన్ లో ఇంకా మంచి వసూళ్లను రాబట్టే అవకాశం పుష్కలంగా ఉంది.చూడాలి మరి మహర్షి ఎలాంటి వండర్స్ క్రియేట్ చేస్తుంది అనేది.