//single page style gallary page

Questions? reply in 15 minutes!

Questions? reply in 15 minutes!

మహానటి శాటిలైట్ రైట్స్.. ఓ రేంజ్‌లో ప‌లుకుతున్న‌ రేటు..!

Category : movies

అలనాటి తార సావిత్రి జీవిత కథ ఆధారంగా మహానటి సినిమా తెరకెక్కిన సంగతి తెల్సిందే. నాగ్ అశ్విన్ ఈ చిత్రానికి డైరెక్ట్ చేయగా , కీర్తి సురేష్ సావిత్రి రోల్ లో నటించింది. ప్రస్తుతం ఈ మూవీ బాక్స్ ఆఫీస్ దగ్గర మంచి వసూళ్లు రాబడుతూ దూసుకుపోతుంది.కేవలం క్లాసిక్ అంటూ ప్రశంసలు అందుకోవడమే కాదు, మహానటి సావిత్రి బయోపిక్‌గా ఆకట్టుకోవడమే కాదు.. కమర్షియల్‌గా కూడా మహానటి సినిమా భారీ విజయాన్ని సాధిస్తోంది. ఈ సినిమా భారీ స్థాయిలో కలెక్షన్లను సంపాదించుకుంటోంది. ఇంటా బయటా ఈ సినిమా సూపర్ హిట్‌గా నిలుస్తోంది. పెద్ద హీరోల సినిమాలకు ధీటుగా ఈ సినిమా కూడా కలెక్షన్లను రాబడుతోంది. ప్రత్యేకించి ఫ్యామిలీ ఆడియన్స్‌ను బాగా ఆకట్టుకున్న ఈ సినిమా టీవీ ప్రసార హక్కుల గురించి ఆసక్తిదాయకమైన వార్తలు వస్తున్నాయి.

ఇక ఈ సినిమాను అత్యంత భారీ మొత్తానికి సేల్ చేయనున్నారనే మాట వినిపిస్తోంది. మహానటి శాటిలైట్ రైట్స్‌ను కోట్ల రూపాయలను వెచ్చించి కొనుక్కోవడానికి వివిధ టీవీ నెట్‌వర్కుల వాళ్లు పోటీ పడుతున్నారని ట్రేడ్ వర్గాల్లో ప్రచారం జరుగుతోంది. మహానటి సినిమాను తెలుగుతో పాటు తమిళంలో కూడా రూపొందించి విడుదల చేశారు. సావిత్రి తమిళనాడుకు కూడా బాగా పరిచయస్తురాలే. అక్కడ కూడా అనేక సినిమాలు చేశారు. వాటిల్లో సూపర్ హిట్స్, క్లాసిక్స్ ఉన్నాయి. అందులోనూ ఈ సినిమాలో జెమిని గణేషన్ పాత్ర కూడా ఉంది. కాబట్టి అక్కడ కూడా ఈ సినిమా పట్ల గొప్ప ఆసక్తి వ్యక్తమైంది. ఈ నేపథ్యంలో తెలుగు, తమిళ టీవీ ప్రసార హక్కులను జాయింట్‌గా అమ్ముతున్నారట. ఈ మొత్తం దాదాపు రూ.11 కోట్ల నుంచి రూ.15 కోట్ల రూపాయల మధ్యలో ఉందని సమాచారం. ఈ మేరకు ధర పలుకుతోందని, ఇంకా ఫైనలైజ్ కాలేదని వార్తలు వస్తున్నాయి. ఈ స్థాయిలో ఈ సినిమా టీవీ రైట్స్ అమ్ముడయితే.. నిర్మాతలు భారీ స్థాయి లాభాలను పొందినట్టే!