//single page style gallary page

Questions? reply in 15 minutes!

Questions? reply in 15 minutes!

పోలీసులకు బంపరాఫర్ ఇచ్చిన ఎస్పీ.

Category : national

తన కింద పనిచేసే సిబ్బందికి ఓ పోలీస్ బాస్ బంపరాఫర్ ప్రకటించారు. బరువు తగ్గి మీకిస్టమైన పోలీస్ స్టేషన్‌కు ట్రాన్స్‌ఫర్ అయ్యే ఛాన్స్ కొట్టేయండంటూ ఆఫర్ ఇచ్చారు. దీనితో పాటు రివార్డు కూడా ఇస్తానని ప్రకటించారు. కర్ణాటకలోని చికమగలూరు జిల్లా ఎస్పీ అన్నామలై ఒక వినూత్న ప్రచారం మొదలుపెట్టారు. భారీ పొట్టలు పెంచేసిన పోలీసు సిబ్బంది కష్టపడి వాటిని కరిగిస్తే వారికి ఇష్టమైన స్టేషన్లకు బదిలీ చేస్తానని ప్రకటించారు.

ప్రస్తుతం చాలా మంది సివిల్ పోలీసులు పొట్టలు భారీగా పెంచేస్తున్నారు. ‘ఈ బొజ్జబాబులు దొంగల్ని ఏం పట్టుకుంటారు’ అనేది ఇప్పుడు పెద్ద జోక్ అయిపోయింది. సినిమాల్లో సైతం ఈ పాయింట్‌తోనే పోలీసుల్ని హేలన చేస్తున్నారు. ఇలాంటి వాటికి చెక్ పెట్టడానికి, పోలీసుల్ని దృఢంగా తయారుచేయడానికి ఎస్పీ అన్నామలై ఈ వినూత్న నిర్ణయం తీసుకున్నారు. దీనిలో విజయం కూడా సాధిస్తున్నారు.

ఈ ఏడాది జనవరి 13న జిల్లా పోలీసులతో అన్నామలై సమావేశమయ్యారు. ఐదు నెలల్లో 5కేజీల బరువు తగ్గితే మీకిష్టమైన స్టేషన్లకు ట్రాన్స్‌ఫర్ చేస్తానని చెప్పారు. దీంతో 34 మంది ఏఎస్సైలు, హెడ్ కానిస్టేబుళ్లు, కానిస్టేబుళ్లు రంగంలోకి దిగారు. ఎస్పీ కార్యాలయంలో తమ పేర్లను నమోదు చేయించుకున్నారు. అయితే బరువు పెరగడం చాలా సులభం కానీ తగ్గించడం కొంచెం కష్టమైన పనే.కానీ ఇష్టమైన స్టేషన్‌కు ట్రాన్స్‌ఫర్ అనే కోరిక వారు విపరీతంగా కష్టపడేలా చేసింది. వాకింగ్ నుంచి రన్నింగ్, సైక్లింగ్, యోగా, వ్యాయామం దేన్నీ వదల్లేదు. మొత్తానికి 34 మందిలో 16 మంది పోలీసులు ఎస్పీగారు పెట్టిన పరీక్షలో పాసయ్యారు. త్వరలోనే వారిని ఇష్టమైన స్టేషన్‌కు ట్రాన్స్‌ఫర్ చేస్తానని అన్నామలై హామీ ఇచ్చారు.

Related News