//single page style gallary page

Questions? reply in 15 minutes!

Questions? reply in 15 minutes!

కబ్జా కేసులో 25వ నిందితుడిగా బీహార్ కేంద్ర మంత్రి గిరిరాజ్ సింగ్..!

Category : politics

దళితుడికి చెందిన భూమిని కబ్జా చేసిన కేసులో బీహార్‌కు చెందిన కేంద్ర మంత్రి గిరిరాజ్ సింగ్ పేరును స్థానిక న్యాయస్థానం ఆదేశాలతో ఎఫ్‌ఐఆర్‌లో చేర్చారు.దనాపూర్ సమీపంలోని అసోపూర్ గ్రామానికి చెందిన రామ్ నారాయణ్ ప్రసాద్ అనే వ్యక్తికి చెందిన భూమిని కొందరు తప్పుడు పత్రాలను సృష్టించి తమ పేరుతో రిజిస్ట్రేషన్ చేయించుకున్నారు.దీనికి అధికారుల అండదండలు కూడా తోడుకావడంతో భూమిని కబ్జా చేశారు.దీంతో బాధితుడు న్యాయస్థానాన్ని ఆశ్రయించాడు.

ఈ క్రమంలో కోర్టు ఆదేశాలతో ఎఫ్ఐఆర్ లో 25వ నిందితుడిగా,కేంద్ర సూక్ష్మ,చిన్న,మధ్యతరహా పరిశ్రమల మంత్రి పేరును చేర్చినట్లు పోలీస్ అధికారి సందీప్ కుమార్ తెలిపారు.ఈ కేసులో మొత్తం 33 మందిని నిందితులుగా చేర్చి,దర్యాప్తు చేపట్టామని తెలియజేశారు.ఈ వ్యవహారంపై గిరిరాజ్ స్పందిస్తూ,

ఆ ప్రాంతంలో సొంత యజమాని నుంచే తాను భూమిని కొనుగోలు చేశానని,ఆ స్థలం ఫిర్యాదుదారుడిది కాదని పేర్కొన్నారు.మరోవైపు ఎఫ్ఐఆర్ లో కేంద్ర మంత్రి పేరు చేర్చడంతో నితీష్ ప్రభుత్వంపై ఆర్జేడీ విమర్శలు గుప్పించింది.బీజేపీ మిత్రపక్షంగా ఉన్న సీఎం ఈ కబ్జా వ్యవహారంపై ఏం మాట్లాడతారని ఆర్జేడీ నేత,మాజీ డిప్యూటీ సీఎం తేజశ్వి యాదవ్ ప్రశ్నించారు.

గిరిరాజ్ రాజీనామాను నితీష్ కోరగలరా అంటూ ఎద్దేవా చేశారు.నవాడ పార్లమెంట్ స్థానానికి ప్రాతినిథ్యం వహిస్తోన్న గిరిరాజ్ నివాసంలో కొద్ది రోజుల కిందట రూ.2 కోట్ల నగదు పట్టుబడటంతో వార్తల్లో నిలిచారు.ఇందులో కొంత విదేశీ కరెన్సీ కూడా దొరకడం గమనార్హం.ప్రధాని నరేంద్ర మోదీ,బీజేపీ అధ్యక్షుడు అమిత్ షాతో గిరిరాజ్‌కు మంచి సంబంధాలే ఉన్నాయి.హిందూత్వ నినాదాలతోనూ తరచూ వార్తల్లో నిలిచే ఈయనపై విమర్శల పరంపర కొనసాగుతోంది.