//single page style gallary page

Questions? reply in 15 minutes!

Questions? reply in 15 minutes!

మోడీ ప్ర‌భుత్వంపై లాలూ ప్ర‌సాద్ జ్యోతిష్యం.

Category : national politics

ఆలు బ‌జ్జీలో.. ఆలు ఉన్నంత కాలం.. లాలూ ఉంటాడ‌ని చెప్పడం ఆయ‌న‌కే చెల్లింది. బీహార్‌లో రోడ్లు హేమ‌మాలిని బుగ్గ‌ల్లా మెరుస్తుంటాయ‌ని కామెంట్ చేసినా ఆయ‌న మాట‌ల చాతుర్య‌మే. ఇంకా అర్ధం కాలేదా ఎవరో.. అయ్యో ఆయనే అండి మన గడ్డి స్కామ్ ఘనుడు బీహార్ మాజీ సీఎం లాలూ ప్ర‌సాద్ యాద‌వ్‌.తన ఇంటిపై ఆయ‌న బంధువుల నివాసాల‌పై ఐటీ, సీబీఐ సోదాలు జ‌ర‌గ‌టంతో కంగుతిన్నాడు. గ‌డ్డిస్కామ్‌లో జైలుకెళ్లినా, ప‌ద‌వి మాత్రం భార్య ర‌బ్రీదేవికి క‌ట్ట‌బెట్టి ఊచ‌ల నుంచే మంత్రాంగం న‌డిపిన ఘ‌నుడు. అటువంటి నేత నివాసాల‌పై ఇటువంటి దాడులు జ‌ర‌గ‌టాన్ని జీర్ణించుకోలేక‌పోతున్నాడు. పైగా మోడీ ప్ర‌భుత్వంపై విరుచుకుప‌డ్డాడు. న‌రేంద్ర మోదీ ప్ర‌భుత్వానికి రోజులు ద‌గ్గ‌ర‌ప‌డుతున్నాయ‌ని కూడా జోస్యం చెప్పారు.త‌న‌కు జ్యోతిష్యం తెలుస‌ని, తాను గొప్ప అస్ట్రాల‌జీనంటూ చెప్పుకొచ్చాడు.

ఆర్జేడీ అధినేత లాలూ, ఆయ‌న కుమారులు తేజ‌స్వీ యాద‌వ్‌, తేజ్‌ ప్రతాప్‌ యాదవ్‌లు కొంద‌రి వ‌ద్ద విలువైన భూములు లాక్కుని పెద్ద ఎత్తున మాల్ నిర్మాణం చేప‌ట్టిన‌ట్లు ఆరోప‌ణ‌లు వెల్లువెత్తాయి. అయితే దీనిపై కూడా లాలూ స్పందించారు ఏదో బ‌తుకుదెరువు కోసం మాల్ నిర్మాణానికి అవ‌స‌ర‌మైన భూమిని ఇచ్చాం, బిడ్డ‌లు రేప‌టి బ్రతుకు కోసం ఆ మాత్రం డ‌బ్బులు సంపాదించుకోవ‌టం త‌ప్పా అంటూ విలేక‌ర్ల స‌మావేశంలో మీడియా ప్ర‌తినిధుల‌నే ఎదురు ప్ర‌శ్నించార‌ట‌. ఎంతైనా లాలు క‌దా కోట్లా రూపాయల పశువుల గ‌డ్డిని మాత్రం పశువులు నెమరవేసినట్లు తినేశాడు,మరి ఆయన బిడ్డల నెమరవేయటానికి కనీసం షాపింగ్ మాల్స్ అయినా ఇవ్వాలి కదా.