//single page style gallary page

Questions? reply in 15 minutes!

Questions? reply in 15 minutes!

ధోని మిస్ అయింది కోహ్లీ సాధిస్తాడు

Category : sports

యూవ కెప్టెన్ విరాట్ కోహ్లి దూసుకుపోతున్నాడు దక్షిణాఫ్రికా పర్యటన విజయ వంతంగా ముగిసిన తరువాత

మాజీ క్రికెటర్స్ విరాట్ కోహ్లీ నాయకత్వంపై ప్రశంసల జల్లు కురిపించారు మాజీ కెప్టెన్ సౌరవ్ గంగూలీ

ఇంగ్లాండ్, ఆస్ట్రేలియా పర్యటనల్లోనూ కోహ్లి సారథ్యంలోని టీమిండియా మెరుగైన ప్రదర్శన చేయగలదని మాజీ కెప్టెన్ సౌరవ్ గంగూలీ ధీమా వ్యక్తం చేశాడు. ‘టైమ్స్ ఆఫ్ ఇండియాకి’ మంగళవారం రాసిన వ్యాసంలో.. భారత్ పర్యటనల గురించి తన అభిప్రాయాన్ని వివరించిన గంగూలీ.. విరాట్ కోహ్లీ నాయకత్వంపై ప్రశంసల జల్లు కురిపించాడు. ఇటీవల ముగిసిన దక్షిణాఫ్రికా పర్యటనలో తొలుత మూడు టెస్టుల సిరీస్‌ని 1-2తో చేజార్చుకున్న భారత్ జట్టు.. ఆరు వన్డేల సిరీస్‌ని 5-1తో, మూడు టీ20ల సిరీస్‌ని 2-1తో చేజిక్కించుకున్న విషయం తెలిసిందే. ఈ ఏడాది జూన్‌లో ఇంగ్లాండ్‌లో పర్యటించనున్న భారత్.. అనంతరం చివర్లో ఆస్ట్రేలియా పర్యటనకి వెళ్లనుంది.

భారత్ జట్టు ఇంగ్లాండ్, ఆస్ట్రేలియా చివరి పర్యటనల్లో ఘోర పరాజయాన్ని చవిచూసింది. అప్పట్లో మహేంద్రసింగ్ ధోని కెప్టెన్సీలోని టీమిండియా ఇంగ్లాండ్ పర్యటనని 0-2తో, ఆస్ట్రేలియా టూర్‌ని 1-3తో పేలవ రీతిలో ముగించింది. అయితే.. గత వారం ముగిసిన దక్షిణాఫ్రికా పర్యటనని చూసిన తర్వాత.. కోహ్లి నాయకత్వంలోని భారత జట్టు ఆ రెండు దేశాల్లో మెరుగైన ప్రదర్శన చేయగలదని గంగూలీ వివరించాడు.

‘ఇంగ్లాండ్, ఆస్ట్రేలియాలో సిరీస్‌లు గెలవాలనేది ప్రతి పర్యాటక జట్టు కల. ఇటీవల దక్షిణాఫ్రికా పర్యటనలో విరాట్ కోహ్లి బ్యాటింగ్‌ని మరోస్థాయికి తీసుకెళ్లాడు. రాబోవు పర్యటనల్లో.. ముఖ్యంగా టెస్టుల్లో టీమిండియా సత్తాచాటేలా ఈ ప్రదర్శన స్ఫూర్తి నింపుతుంది. ఫాస్ట్ బౌలర్లు భువనేశ్వర్ కుమార్, జస్‌ప్రీత్ బుమ్రా చాల మెరుగ్గా బౌలింగ్ చేశారు. భారత బౌలింగ్ భవితవ్యం వారిపైనే ఆధారపడి ఉంది. సఫారీ గడ్డపై ఓటమితో సిరీస్‌ని ఆరంభించినా.. గెలుపుతో ముగించేలా భారత్‌ పుంజుకున్న విధానం అద్భుతం. ఈ జట్టు కచ్చితంగా ఇంగ్లాండ్, ఆస్ట్రేలియాలో అద్భుతాలు చేస్తుంది’ అని గంగూలీ వివరించాడు.శ్రీలంకతో జరిగే ట్రై సిరీస్ కి రెస్ట్ తీసుకొని జూన్ లో మొదలయ్యే ఇంగ్లాండ్ సిరీస్ లో ఎన్ని అద్భుతాలు చేస్తాడో చూడాలి