//single page style gallary page

Questions? reply in 15 minutes!

Questions? reply in 15 minutes!

భారత పర్యటనలో భూటాన్‌ రాజు

Category : national

మూడు దేశాల కూడలి డోక్లామ్‌ వివాదం సద్దుమణిగిన తరువాత తొలిసారిగా భూటాన్‌ రాజు..భారత్‌లో పర్యటిస్తున్నారు. రాజు జిగ్మె ఖేసర్‌ నమ్‌గైల్‌ వాంగ్‌చుక్‌, ఆయన భార్య జెత్సున్‌ పెమా వాంగ్‌చుక్‌, వారి కుమారుడు జిగ్మె నమ్‌గైల్‌ వాంగ్‌చుక్‌లు నాలుగు రోజుల పర్యటన నిమిత్తం మంగళవారం భారత్‌లో అడుగుపెట్టారు. భారత విదేశాంగ మంత్రి సుష్మా స్వరాజ్‌ వారికి ఘనస్వాగతం పలికారు. రాజు కుటుంబం బుధవారం రాష్ట్రపతి రామ్‌నాథ్‌ కోవింద్‌, ప్రధాని మోడీలతో భేటీ అవుతారు. అనంతరం ఈ సందర్భంగా ఏర్పాటు చేసిన విందు కార్యక్రమంలో పాల్గొంటారు. ఉపరాష్ట్రపతి వెంకయ్యనాయుడు, విదేశాంగ మంత్రి సుష్మాస్వరాజ్‌తోనూ భేటీ కానున్నారుఈ పర్యటనను పురస్కరించుకుని భూటాన్‌ రాజు ఒక ప్రకటన విడుదల చేశారు. రెండు దేశాల మధ్య ద్వైపాక్షిక సంబంధాల్ని మరోస్థాయికి తీసుకెళ్లేందుకు ఈ పర్యటన ఉపయో గపడనుందని ఆ ప్రకటన పేర్కొంది. భారత్‌, భూటాన్‌ల మధ్య స్నేహానికి పరస్పర నమ్మకమే పునాది అని వ్యాఖ్యానించారు. భూటాన్‌లో 1416 మెగావాట్ల సామర్థ్యమున్న మూడు జలవిద్యుత్తు ప్రాజెక్టులను భారత్‌ నిర్మించిన సంగతి తెలిసిందే.అక్కడ ఉత్పత్తి అయిన విద్యుత్తులో ముప్పావు శాతం భారత్‌కు తిరిగి సరఫరా అవుతోంది. భూటాన్‌కు భారత్‌ అతిపెద్ద వాణిజ్య భాగస్వామి కాగా..2016లో ఇరు దేశాల మధ్య వాణిజ్య విలువ రూ.8723 కోట్లుగా నమోదైంది.