//single page style gallary page

Questions? reply in 15 minutes!

Questions? reply in 15 minutes!

పెట్రోల్ ధరల పెరుగుదలపై జైట్లీ సంకేతాలు!

Category : politics

ఏటా బడ్జెట్ అనంతరం రిజర్వ్ బ్యాంక్ ఆఫ్ ఇండియా, సెబీ బోర్డులతో కేంద్ర ఆర్థిక మంత్రి సమావేశాలు నిర్వహించడం ఆనవాయితీగా వస్తోంది. ఇందులో భాగంగానే సెబీ, ఆర్బీఐలతో కేంద్ర ఆర్థిక మంత్రి అరుణ్ జైట్లీ శనివారం సమావేశం నిర్వహించారు.

సమావేశం తర్వాత ఆయన మీడియాతో మాట్లాడుతూ కేపిటల్ మార్కెట్‌కు సంబంధించి సెబీ చర్యలపై ప్రశంసలు కురిపించారు. అలాగే ద్రవ్య పరపతి సమీక్షలో భాగంగా కీలక వడ్డీ రేట్లను ఆర్బీఐ యథాతథంగా ఉంచడాన్ని జైట్ల సమర్థించారు. అంతర్జాతీయంగా క్రూడాయిల్ ధరల అనిశ్చితి కొనసాగుతున్నందున, ఈ ప్రభావం భారత్‌పై కూడా ఉంటుందని ఆర్థిక మంత్రి వ్యాఖ్యానించారు.

చమురు ధరలపై అపోహలు సృష్టించ‌వద్దని సూచించిన ఆయన, అంతర్జాతీయ మార్కెట్లో ముడి చమురు ధరల సరళి ప్రకారం మార్పు తప్పదని పేర్కొన్నారు. భవిష్యత్తులో పెట్రోల్ ధరలు పెరుగుతాయని జైట్లీ వ్యాఖ్యలు సంకేతాలు ఇస్తున్నాయి.

అంతేకాదు రాష్ట్రాలు విధిస్తోన్న పన్నులను తగ్గించాలని ఆయన సూచించారు. రాష్ట్ర ప్రభుత్వాలు వ్యాట్‌ను తగ్గిస్తే ప్రజలకు ఊరట లభిస్తుందని జైట్లీ అన్నారు. క్రూడాయిల్ ధరల్లో ఎలాంటి మార్పులు చోటుచేసుకుంటాయో అంచనా వేసే పరిస్థితి లేదని తెలియజేశారు. పరపతి విధాన సమీక్షలు దేశాభివృద్ధికి దోహదపడేలా ఉండాలి తప్ప, తరుచూ మారిపోతున్న ద్రవ్యోల్బణాన్ని దృష్టిలో పెట్టుకుని వాటిని మార్చుకుంటూ పోరాదని జైట్లీ స్పష్టం చేశారు.

దేశంలో రుణ లభ్యత పెరుగుతోందని, పెద్ద నోట్ల రద్దు తరువాత ఆర్బీఐ తీసుకున్న విధానపరమైన నిర్ణయాలతో బ్యాంకుల వద్ద నిధులు పెరిగాయని తెలిపారు. పెరుగుతోన్న ద్రవ్యోల్బణానికి అనుగుణంగా వ్యవసాయ ఉత్పత్తులకు కనీస మద్దతు ధరను పెంచి, రైతులను ఆదుకోవడానికి ప్రయత్నిస్తున్నామని ఆర్థిక మంత్రి తెలిపారు.

Related News