//single page style gallary page

Questions? reply in 15 minutes!

Questions? reply in 15 minutes!

వారానికి నాలుగు రోజులు....4 గంటల పని!

Category : world

వారానికి ఒక్కరోజు సెలవు దొరికితేనే హమ్మయ్య అని ఊపిరిపీల్చుకునే రోజులివి... అదే ఏకంగా మూడురోజులు విశ్రాంతి దొరికితే..? ఖచ్చితంగా అలాంటి రోజులు వస్తాయని చెబుతున్నారు అలీబాబా కంపెనీ వ్యవస్థాపకుడు జాక్ మా. ఆర్టిఫిషియల్ ఇంటిలిజెల్స్ పుణ్యమా అని భవిష్యత్తులో ప్రజల జీవితం మరింత సుఖమయం కానుందని అంటున్నారీయన. ‘‘వచ్చే 30 ఏళ్లలో ప్రజలు రోజుకు కేవలం 4 గంటల మాత్రమే పనిచేస్తారని నేను భావిస్తున్నాను. అది కూడా వారానికి నాలుగు రోజులు మాత్రమే..’’ అని జాక్ మా పేర్కొన్నారు. గేట్‌వే 17 కాన్ఫరెన్సులో భాగంగా జరిగిన ఓ ఇంటర్వ్యూలో ఆయన ఈ విషయాలు వెల్లడించారు. ‘‘ మా తాతగారు పొలంలో రోజుకు 16 గంటలు పనిచేశారు. దీన్ని బట్టి అప్పుడు చాలా బిజీగా ఉండి ఉంటారు. ఇప్పుడు మనం రోజుకు 8 గంటలు మాత్రమే పనిచేస్తున్నాం. అది కూడా వారానికి 5 రోజులు పని చేస్తూ చాలా బిజీగా ఉన్నట్టు అనుకుంటున్నాం’’ అని మా వివరించారు.

ఆర్టిఫిషియల్ ఇంటిజెన్స్ పైనా వివరంగా మాట్లాడిన ఈ చైనా బిలియనీర్.... ఎన్ని మెషిన్లు వచ్చినా అవి ప్రవర్తన విషయంలో మనుషుల పాత్రను భర్తీ చేయలేవన్నారు. అయితే రోజు రోజుకూ దూసుకొస్తున్న టెక్నాలజీతో మాత్రం పెను సమస్యలు తప్పవన్నారు. అది యుద్ధానికి కూడా దారితీయవచ్చునని పేర్కొన్నారు. ‘‘మూడోతరం టెక్నాలజీ విప్లవం... మూడో ప్రపంచ యుద్ధానికి కూడా దారితీయవచ్చు...’’ అని మా పేర్కొన్నారు.

Related News