//single page style gallary page

Questions? reply in 15 minutes!

Questions? reply in 15 minutes!

జైల్లో చలివేస్తోందన్న లాలూ.. తబలా వాయించుకోండన్న జడ్జ్

Category : national

పశు దాణా కేసులో దోషిగా రుజువైన బిహార్ మాజీ ముఖ్యమంత్రి, ఆర్జేడీ అధినేత లాలూ ప్రసాద్ యాదవ్‌ను దాణా కుంభకోణం కేసులో రాంచీ సీబీఐ కోర్టు దోషిగా పేర్కొన్న విషయం తెలిసిందే.

ఈ కేసులో దోషిగా తేలిన లాలూకి న్యాయస్థానం ఇంకా శిక్ష ఖరారు చేయలేదు. ప్రస్తుతం ఆయన రాంచీ జైళ్లో ఉంటున్నారు. జైళ్లో తనకు బాగా చలివేస్తోందని చమత్కరించిన లాలూకు న్యాయమూర్తి తనదైన శైలిలో బదులిచ్చారు. చలివేస్తే తబలా వాయించుకోండని సీబీఐ ప్రత్యేక న్యాయస్థానం న్యాయమూర్తి శివపాల్‌సింగ్‌ చమత్కరించారు.

లాలూ రికార్డు మొత్తాన్ని తాను పరిశీలించాననీ, నిఘా పక్కాగా ఉన్నట్లయితే ఈ కుంభకోణం చోటు చేసుకునే ఉండేది కాదని న్యాయమూర్తి వ్యాఖ్యానించారు. తాను న్యాయవిద్యను కూడా అభ్యసించానని లాలూ ఈ సందర్భంగా వెల్లడించారు.

వాస్తవానికి లాలూ సహా ఇతర దోషులకు 3వ తేదీన శిక్షలను ఖరారు చేయాల్సి వుండగా, అది వాయిదా పడుతూ వచ్చింది. అయితే దీన్ని శుక్రవారానికి వాయిదా వేశారు. విచారణ తర్వాత అక్కడ నుంచి తనను జైలుకు తరలించబోతున్న సమయంలో న్యాయమూర్తిని ఉద్దేశించి లాలూ మాట్లాడుతూ.. ప్రశాంతంగా ఆలోచించండని కోరారు. శుక్రవారం నాటి విచారణకు వ్యక్తిగతంగా హాజరయ్యే బదులు వీడియో కాన్ఫరెన్స్‌ను ఎంచుకోవచ్చని న్యాయమూర్తి సూచించారు. అంతేకాదు లాలూ మద్దతుదారుల నుంచి తనకు కాల్స్‌ వస్తున్నాయని తెలియజేశారు. కానీ వివరాలను మాత్రం వెల్లడించలేదు.