//single page style gallary page

Questions? reply in 15 minutes!

Questions? reply in 15 minutes!

సోషల్ మీడియాలో ఖరీదైన పోస్టులుఫై ఐటీ కన్ను

Category : national

మీరు కొత్తగా కొన్న లగ్జరీ కారుతో సెల్ఫీ దిగి ఫేస్‌బుక్ లేదా ఇన్‌స్టాగ్రామ్‌లో పోస్ట్ చేస్తున్నారా ? లేదంటే విదేశీ విహారయాత్రకు వెళ్లినప్పుడు తీసుకున్న ఫొటోలను సోషల్ సైట్లలో పెడుతున్నారా ? అయితే, జాగ్రత్త. ఎందుకంటే, మీ విలాస జీవనశైలిని ప్రతిబింబించే ఆ ఫొటోలు మిమ్మల్ని ఇబ్బందుల్లోకి నెట్టే ప్రమాదం ఉంది. ఆ తరహా ఫొటోలు పోస్ట్ చేసిన కొద్దిరోజుల్లోనే పన్ను అధికారులు మీ ఇంటి తలుపు తట్టే అవకాశం ఉందంట. ఒకవేళ మీరు పన్ను శాఖ కన్నుగప్పి అనధికార సొమ్ము కూడబెట్టి ఉంటే గనుక చిక్కుల్లో పడ్డట్టే.

ఎందుకంటే, దేశంలో నల్లధనాన్ని వెలికితీసేందుకు ఆదాయం పన్ను శాఖ సోషల్ సైట్లపైనా గూఢచర్యం చేయనుంది. ఇందుకోసం ప్రాజెక్ట్ ఇన్‌సైట్ పేరుతో వచ్చేనెలలో ప్రత్యేక కార్యక్రమాన్ని లాంచ్ చేయబోతోంది. బిగ్ డాటా అనలిటిక్స్ టూల్స్ ద్వారా మీ సోషల్ సైట్ అకౌంట్ల నుంచి సేకరించిన వివరాలు, ఫొటోలు, వీడియో పోస్టింగ్‌లను మీరు సమర్పించిన ఐటీ రిటర్నులలో ప్రకటించిన ఆదాయంతో సరిపోల్చనుంది. ఒకవేళ మీరు పన్ను ఎగవేతలకు పాల్పడుతున్నట్లు ఐటీ శాఖకు అనుమానం వస్తే మీరు కష్టాలు తెచ్చుకున్నట్లే. అంతేకాదు ఇప్పటికే కేంద్ర ప్రభుత్వం ఐటీ చెల్లింపుదారులకు తమ పాన్ నంబర్‌ను ఆధార్‌తో అనుసంధానం చేసుకోవడం తప్పనిసరి చేసింది. తద్వారా పన్ను చెల్లింపుదారుల ఆదాయం, ఆస్తుల వివరాలు సేకరించేందుకు ఐటీ శాఖకు మరింత సులువు అవుతుంది. కాబట్టి సోషల్ మీడియాలో మీ ఫొటోస్ పోస్ట్ చేసేటప్పుడు కొంచెం అలోచించి చెయ్యండి మరి.