//single page style gallary page

Questions? reply in 15 minutes!

Questions? reply in 15 minutes!

ప్రయాణికులు లేకుండానే బయల్దేరిన విమానం!

Category : national

ఇండిగో విమానయాన సంస్థ మరోసారి వార్తల్లోకెక్కింది. అయితే, ఈ సారి ప్రయాణికులను కొట్టికాదు... విమానాశ్రయంలో వదిలేసి మరో వివాదానికి తెరలేపింది. ఒకరు కాదు.. ఇద్దరు కాదు ఏకంగా 14 మంది ప్రయాణికులను విమానాశ్రయంలో వదిలేసి వార్తల్లోకెక్కింది. గోవా-హైదరాబాద్ ఇండిగో విమానం (6E 259) సోమవారం గోవాలో 14 మంది ప్రయాణికులను వదిలేసి.. నిర్ణీత సమయం కంటే ముందుగానే హైదరాబాద్‌కు బయల్దేరింది.

ఈ విమానం గోవా నుంచి రాత్రి 10.50 గంటలకు బయలుదేరాల్సి ఉండగా 25 నిమిషాల ముందే వెళ్లిపోయిందని ప్రయాణికులు ఆరోపించారు. ఇండిగో సిబ్బంది ఎలాంటి అనౌన్స్‌మెంట్ చేయలేదని, విమానం వెళ్లిపోయినట్లు తెలిసి ఆశ్చర్యపోయామని తెలిపారు. అర్ధరాత్రి 12.05 గంటలకు (మంగళవారం) హైదరాబాద్‌కు రావల్సిన ఈ విమానం రాత్రి 11.40 గంటలకే చేరుకోవడం గమనార్హం.

బోర్డింగ్ గేటు రాత్రి 10.25 గంటలకు బోర్డింగ్ గేట్ మూసివేయగా, ఆ ప్రయాణికులంతా 10.33 గంటలకు గేట్ వద్దకు వచ్చారని ఇండిగో తెలిపింది. బోర్డింగ్ గేట్ ముసివేయడానికి ముందు ఇండిగో సిబ్బంది హ్యాండ్ మైకులతో పదే పదే అనౌన్స్‌మెంట్ చేసినా ప్రయాణికులు స్పందించలేదని పేర్కొంది. ప్రయాణికుల ఫోన్ నెంబర్లకు సైతం తమ సిబ్బంది ఫోన్ చేశారని తెలిపింది. అయితే, ఆ ఫోన్ ప్రయాణికుల ట్రావెల్ ఏజెంట్ తామస్ కుక్‌కు వెళ్లిందని, అతను ప్రయాణికుల ఫోన్ నెంబర్లు ఇవ్వడానికి నిరాకరించాడని ఇండిగో వివరించింది. ఆ విమానాన్ని అందుకోలేకపోయిన ప్రయాణికులను ఉదయం విమానంలో ఉచితంగా గమ్యానికి చేర్చామని పేర్కొంది.

Related News