//single page style gallary page

Questions? reply in 15 minutes!

Questions? reply in 15 minutes!

హెలికాప్టర్ నుంచి పడిపోయిన జవాన్లు !

Category : national

దేశరాజధాని ఢిల్లీలో గురువారం నిర్వహిస్తున్న ఆర్మీ పరేడ్ డ్రిల్‌లో అపశ్రుతి చోటుచేసుకుంది. హెలికాప్టర్‌ నుంచి ప్రమాదవశాత్తూ కింద పడి ముగ్గురు జవాన్లు గాయపడ్డారు.

జనవరి 15న ఆర్మీ దినోత్సవాన్ని పురస్కరించుకుని జవాన్లు పరేడ్‌ డ్రిల్‌ ప్రాక్టీస్‌ చేస్తున్నారు. విన్యాసాల్లో భాగంగా హెలికాప్టర్‌ నుంచి తాడుతో దిగుతుండగా ఈ ప్రమాదం చోటు చేసుకుంది. గాల్లో ఉన్న హెలికాప్టర్ నుంచి తాడు సాయంతో ముగ్గురు జవాన్లు ఒకరి తర్వాత ఒకరు కిందికి దిగుతున్నారు.

నాలుగో జవాను వేలాడగానే తాడు తెగిపోయింది. దీంతో దాదాపు మూడు అంతస్థులంత ఎత్తు నుంచి జవాన్లు ఒకరిపై ఒకరు పడిపోయారు. దాంతో వారికి గాయాల‌య్యాయి. ప్రస్తుతం ఈ వీడియో ఇంటర్నెట్‌లో వైరల్‌గా షేరవ్వుతోంది. దీనిపై ఆర్మీ ఉన్నతాధికారులు విచారణ జరుపుతున్నారు.