//single page style gallary page

Questions? reply in 15 minutes!

Questions? reply in 15 minutes!

ఫేస్‌బుక్ వినియోగంలో అమెరికాను నెట్టేసిన భారత్

Category : editorial

ఫేస్‌బుక్ వినియోగదారుల సంఖ్యాపరంగా భారత్ అమెరికాను దాటేసింది. ఎఫ్‌బీ నెలవారీ యాక్టివ్ యూజర్లలో భారత్ వాటా 11 శాతమని వియ్ ఆర్ సోషల్ వెబ్‌సైట్, ఫేస్‌బుక్ ప్రకటించాయి. ప్రపంచవ్యాప్తంగా ఫేస్‌బుక్ వాడుతున్నవారి సంఖ్య ఇటీవలే 200 కోట్లు దాటగా, మన దేశం నుంచి 24.5 కోట్ల మంది ఎఫ్‌బీ వాడుతున్నారు. 

రెండోస్థానానికి పడిపోయిన అమెరికాలో 24 కోట్ల మంది నెలవారీ ఫేస్‌బుక్ యాక్టివ్ యూజర్లు ఉన్నారు. తర్వాతి స్థానాల్లో బ్రెజిల్, ఇండోనేసియా, మెక్సికో ఉన్నాయి. టాప్ సిటీస్ విభాగంలో భారత్ నుంచి ఏ నగరం కూడా టాప్-5లో చోటు సాధించలేదు. న్యూఢిల్లీ ఈ విభాగంలో ఆరోస్థానంలో ఉంది.

ఢిల్లీలో 15 మిలియన్ల మంది యాక్టివ్ యూజర్లు ఉన్నారు. తొలిస్థానంలో బ్యాంకాక్ ఉండగా, తర్వాతి స్థానాల్లో వరుసగా జకర్తా, ఢాకా, మెక్సికో సిటీ, ఇస్తాంబుల్ ఉన్నాయి.గత ఆరు నెలల్లో భారత్‌లో యాక్టివ్ యూజర్ల సంఖ్య 27 శాతం పెరగ్గా, అమెరికాలో ఇదే కాలానికి 12 శాతం మాత్రమే పెరిగింది. అయితే జనాభా పరంగా చూస్తే భారత్‌లో కేవలం 19 శాతం మంది మాత్రమే ఇప్పటికీ ఫేస్‌బుక్ వినియోగిస్తున్నారు. అమెరికాలో 73 శాతం మంది ఫేస్‌బుక్ వాడుతున్నారు.