//single page style gallary page

Questions? reply in 15 minutes!

Questions? reply in 15 minutes!

ధరలు నియంత్రించలేకపోతే గద్దె దిగండి

Category : national

ప్రధాని నరేంద్రమోడీ లక్ష్యంగా కాంగ్రెస్‌ ఉపాధ్యక్షుడు రాహుల్‌గాంధీ ఇటు సోషల్‌మీడియాలోనూ అటు బహిరంగ సభల్లోనూ పంచ్‌ డైలాగులతో విరుచుకుపడుతున్నారు. తాజాగా కవితాత్మకంగా ప్రధాని మోడీని రాహుల్‌ తన ట్విట్టర్‌లో టార్గెట్‌ చేశారు. 'గ్యాస్‌ ధర పెరిగిపోయింది. రేషన్‌ ధర పెరిగిపోయింది. ఇకనైనా అధిక ప్రసంగాలు ఆపేసి ధరలు నియంత్రించండి. యువతకు ఉపాధి అవకాశాలు కల్పించండి లేదా గద్దె దిగిపోండి' అంటూ హిందీలో అంత్యప్రాస వచ్చేలా రాహుల్‌ ట్వీట్‌ చేశారు. తాజాగా సబ్సిడీ గ్యాస్‌ సిలిండర్‌ ధర పెరిగిపోయిన నేపథ్యంలో ప్రధాని మోడీ ప్రసంగాలతో ఊదరగొట్టడం మానేయాలనే అర్థం వచ్చేలా ట్వీట్‌ చేశారు

మరోవైపు రాహుల్‌ ట్వీట్‌కు బీజేపీ ఘాటుగా బదులిచ్చింది. గత కాంగ్రెస్‌ హయాంలోనే అవినీతి చెలరేగిందని, అప్పుడు ఉద్యోగాలు కానీ, రేషన్‌ కానీ ఉండేవి కావని, అలాంటి యువరాజు సింహాసనానికి అర్హుడా అంటూ బీజేపీ నేత సంబిత్‌ పాత్ర ట్వీట్‌ చేశారు. గ్యాస్‌ సిలిండర్‌పై రూ.4-50 పెంచినట్టు ఈనెల1న కేంద్రం ప్రకటించిన సంగతి తెలిసిందే. గతేడాది జులై నుంచి ఇప్పటి వరకు వంటగ్యాస్‌ ధరలు 19సార్లు పెరిగాయి.