//single page style gallary page

Questions? reply in 15 minutes!

Questions? reply in 15 minutes!

భార్యే ప్రత్యేక్ష దైవం.. గుడి కట్టి పూజలు చేస్తున్న భర్త..!

Category : national

ప్రేమించేటప్పుడు నా గుండెలో నీకు కోటలు కట్టాను,మెడలు కట్టాను,గుడి కట్టాను అందులో నిన్ను కొలువుంచాను అని చాలా మంది ప్రేమికులు అనడం వింటూనే ఉంటారు. అప్పట్లో షాజహాన్ చనిపోయిన తన ప్రేమికురాలి గుర్తుగా తాజ్ మహల్ కట్టించాడు. కానీ ఇప్పుడు ఒక అతను చనిపోయిన తన భార్యకు ఆలయాన్ని నిర్మించి, దేవతలతోపాటు ఆమెకు పూజలు చేస్తున్నాడు. అలాగని ఆయన ధనవంతుడు కూడా కాదు, ఓ సాధారణ రైతు. ఇది కర్ణాటకకు చెందిన రాజు అలియాస్ రాజుసామి కథ.

చామరాజ్‌నగర్ జిల్లాలోని ఎల్లందూర్ తాలూకా కృష్ణపుర గ్రామానికి చెందిన రాజుసామి 2006లోనే ఈ ఆలయాన్ని నిర్మించాడు. అంతేకాదు భార్య రాజమ్మ విగ్రహాన్ని సైతం ఆయనే తయారుచేయడం విశేషం. 12 ఏళ్ల నుంచి రోజూ ఆమెకు పూజలు నిర్వహిస్తున్నాడు. శనీశ్వర, సిద్దప్పాజీ, నవగ్రహ, శివుడి విగ్రహాలతో పాటు భార్య రూపాన్ని కూడా అందులో ప్రతిష్ఠించి పూజిస్తున్నాడు. తన అక్క కుమార్తెను రాజుసామి వివాహం చేసుకోవడం అతడి తల్లిదండ్రులకు నచ్చలేదు. వారు అభ్యంతరం వ్యక్తంచేసినా మేనకోడలినే వివాహం చేసుకున్నాడు. అయితే అక్కా బావలు మాత్రం దీనికి అంగీకరించారు.

పెళ్లైన కొద్ది రోజుల తర్వాత గ్రామంలో ఓ ఆలయాన్ని నిర్మించమని భార్య కోరడంతో,ఆమె కోరిక మేరకు గ్రామంలో ఆలయ నిర్మాణం మొదలుపెట్టారు. అయితే నిర్మాణం పూర్తయ్యేలోపు ఆమె మృతి చెందింది. అయితే తాను చనిపోతాననే విషయం ఆమెకు ముందే తెలుసని, తనకు ప్రత్యేక శక్తులు ఉన్నాయని రాజు అంటున్నాడు.

నిరంతరం ఆమె కలలో ఆలయం కనిపించేదని,తను ఓ ఆధ్యాత్మిక శక్తి అందుకే మరణం తర్వాత ఆమెను పూజిస్తున్నానని తెలిపాడు.ఆలయ నిర్మాణం పూర్తిచేసి దేవతగా ఆమెనే ప్రతిష్ఠించానని పేర్కొన్నాడు.అంతేకాదు మా ప్రేమ అజరామమైందని వ్యాఖ్యానించారు.రాజుసామి నిర్ణయాన్ని మొదట్లో గ్రామస్థులు వ్యతిరేకించినా తర్వాత మాత్రం సమర్ధించారు.