//single page style gallary page

Questions? reply in 15 minutes!

Questions? reply in 15 minutes!

ఉప్పల్ కి వచ్చేదెవరు ?

Category : sports

ఐపీఎల్-10 మరో రసవత్తర పోరుకు సిద్దమవుతుంది. రెండో ఫైనలిస్ట్ ఎవరో నేడు తేలనుంది. ఎలిమినేటర్ పోరులో నెగ్గి ఆత్మవిశ్వాసంతో కోల్‌కతా బరిలోకి దిగుతుంటే... ఓటమి కసితో ముంబయి బరిలోకి దిగనున్నది. ఈ మాజీ ఛాంపియన్స్ మధ్య పోటీ నువ్వా నేనా అన్న రీతిలో సాగనున్నది.

విజయావకాశాలు ఎవరికీ ఎక్కువ ?

ఈ సీజన్ లో నిలకడగా ఆడుతూ... పది విజయాలతో పాయింట్ల పట్టికలో అగ్రస్థానంలో నిలిచింది ముంబయి ఇండియన్స్‌. జట్టులోని ఆటగాళ్లందరూ సరైన సమయాల్లో రాణిస్తూ జట్టుకు విజయాలు అందిస్తున్నారు. ఓపెనర్లు పార్థివ్ పటేల్, సిమన్స్‌ కు నిలకడైన ఆటతో మంచి శుభారంభాలనివ్వడం ఆ జట్టుకు కలిసొచ్చింది. ఆ తర్వాత వచ్చే రోహిత్‌, పొలార్డ్‌, రాయుడులతో లైనప్‌ పటిష్టంగా ఉంది. ఆల్ రౌండర్స్ గా పాండ్య సోదరులు హార్దిక్‌, కృనాల్‌లు జట్టుకు అవసరమైనప్పుడు అండగా నిలుస్తున్నారు. బౌలింగ్ లోను మలింగ, మెక్లెనగన్‌, బుమ్రాలతో పేస్‌ విభాగం పటిష్టంగా ఉంది. చిన్న స్వామి స్టేడియం మందకొడిగా ఉండటంతో అక్కడ స్పిన్నర్లను ఎదురుక్కోవటం కష్టంగా ఉంటుంది. కనుక స్పిన్ విభాగంలో కర్ణ్‌ శర్మ స్థానంలో హర్భజన్‌ ను తీసుకొనే అవకాశం ఉంది. మొత్తంగా పుణెపై ఎదురైనా పరాభవాన్ని మరిచి కలిసి కట్టుగా ఆడితే విజయం సాధించవచ్చు.

కోల్‌కతా విషయాన్ని వస్తే ఆ జట్టు ప్రధాన బలం కెప్టెన్ గౌతమ్ గంభీరే. తనదైన ఆటతో, ఆలోచనలతో జట్టును నడిపిస్తున్నాడు. గత మ్యాచ్ లో గెలిచి ఊపు మీద ఉన్న కోల్‌కతా.. మరోసారి సత్తా చాటాలని భావోస్తోంది. ఈ సీజన్ లో ఓపెనర్ అవతారమెత్తిన నరైన్ మరోమారు మెరుపు ఇన్నింగ్స్‌ ఆడాలని ఆ జట్టు ఆశిస్తోంది. మరో ఓపెనర్ లిన్‌ కూడా ఫామ్ లో ఉండటంతో వారి నుండి మంచి ఆరంభం వస్తే, తరువాత వచ్చే గంభీర్‌, ఉతప్ప దానిని బారి స్కోర్ గా మలచగలరు.ఈ సీజన్ లో గంభీర్‌ ఇప్పటికీ టోర్నీలో 486 పరుగులు చేయగా.. ఉతప్ప 396 పరుగులు సాధించి మంచి ఊపులో ఉన్నారు. ఇక బౌలింగ్‌లో క్రిస్‌ వోక్స్‌, ఉమేశ్‌ యాదవ్‌, పియూష్‌ చావ్లా, కుల్‌దీప్‌ యాదవ్‌ లతో బలంగానే ఉన్న సిమన్స్‌, రోహిత్‌.. మిడిల్‌లో రాయుడు, పొలార్డ్‌ల ఎంతమేరకు కట్టడి చేస్తారనే దానిపై కోల్‌కతా విజయావకాశాలు ఆధారపడిఉంటాయి.

ఏదిఏమైనా, ఇప్పటికే రెండు సార్లు టైటిల్ గెలిచి, మూడో టైటిల్ కోసం ఎదురుచూస్తున్నా జట్ల మధ్య పోరు రసవత్తరంగా సాగనున్నది.