//single page style gallary page

Questions? reply in 15 minutes!

Questions? reply in 15 minutes!

రజనీకాంత్ కు మద్దతు ప్రకటించిన హీరో విశాల్

Category : national

తమిళ రాజకీయాలు అంతకంతకూ రసవత్తరంగా మారుతున్నాయి. ఇటీవల రజనీకాంత్ పొలిటికల్ ఎంట్రీపై క్లారిటీ ఇస్తూ.. తమిళనాడులోని 234 నియోజకవర్గాల్లో పోటీ చేస్తానని ప్రకటించడంతో సంచలనంగా మారింది. ఈ ప్రకటన వెలువడిన మొదటి రోజు నుంచే రజనీకి మద్దతిస్తున్న వారి సంఖ్య రోజు రోజుకి పెరుగుతోంది.

ఇప్పటికే లైకా ప్రొడక్షన్స్‌ క్రియేటివ్‌ హెడ్‌ రాజు మహాలింగం తన ఉద్యోగానికి రాజీనామా చేసి రజనీ రాజకీయ నేతృత్వంలో చేరనున్నట్లు ప్రకటించడం.. తాజాగా లారెన్స్ కూడా రజనీ పార్టీకి మద్దతు ఇవ్వగా.. ఇప్పుడు యంగ్ హీరో విశాల్ నేను సైతం అని ముందుకు వచ్చాడు. రజనీకాంత్‌ కోసం ఓ కార్యకర్తగా పనిచేస్తానని మొత్తం 234 స్థానాల్లో ప్రచారం చేస్తానని విశాల్ ప్రకటించారు.

ప్రజలకు సేవచేయాలని రాజకీయాల్లోకి వచ్చిన రజనీ నిజమైన సేవకుడని, రజనీ చెయ్యబోయే రాజకీయమే అసలైన రాజకీయం అంటున్నారు ఈ మాస్ హీరో. ఇటీవల ఆర్కే నగర్ ఉపఎన్నికల్లో ఇండిపెండెంట్ అభ్యర్థిగా రంగంలోకి దిగేందుకు చివరివరకూ ప్రయత్నాలు సాగించిన విశాల్.. నామినేషన్ తిరస్కరించడంతో చివరి నిమిషంలో శశికళ మేనల్లుడు దినకరన్‌కు మద్దతు పలికాడు.

కాగా దినకరన్ ఈ ఎన్నికల్లో అత్యధిక మెజార్టీతో ఘన విజయం సాధించారు. అయితే దినకరన్ వెంటే విశాల్ ఉంటారనుకుంటున్న నేపథ్యంలో విశాల్ రజనీకి మద్దతు ప్రకటించడం తమిళనాట ఆసక్తిగా మారింది.