//single page style gallary page

Questions? reply in 15 minutes!

Questions? reply in 15 minutes!

శ్రీదేవిని పెళ్లి చేసుకోమన్నారా..?

Category : national

అతిలోక సుందరిగా అభిమానుల గుండెల్లో చెరగని ముద్ర వేసిన శ్రీదేవి హఠాన్మరణం అందర్నీ కలచివేస్తోంది. ఓ పెళ్లి వేడుక కోసం దుబాయ్‌కి వెళ్లిన శ్రీదేవి శనివారం అర్ధరాత్రి గుండె పోటుతో అక్కడే మృతి చెందింది. ఈ హఠాన్మరణం పట్ల సినీ ప్రముఖులు దిగ్భ్రాంతి వ్యక్తం చేస్తూ.. ఆమెతో తమకున్న అనుబంధాన్ని గుర్తు చేసుకుంటున్నారు.

శ్రీదేవి మరణవార్త వెలువడగానే.. ఓ వార్త సోషల్ మీడియాలో హల్‌చల్ చేస్తోంది. టాలీవుడ్ సీనియర్ హీరో రాజశేఖర్‌ని గతంలో శ్రీదేవిని వివాహం చేసుకోవాల్సిందిగా ఆమె తండ్రి కోరాడట. ఈ విషయాన్ని ఓ మీడియా సంస్థకిచ్చిన ఇంటర్వ్యూలో రాజశేఖరే స్వయంగా వెల్లడించాడు. ‘శ్రీదేవి అమ్మగారికి నేనంటే చాలా ఇష్టం. మా నాన్నగారు పోలీస్, శ్రీదేవి వాళ్ల నాన్న అడ్వొకేట్ కావడంతో వారిద్దరి మధ్య కూడా మంచి అనుబంధం ఉండేది.

దీంతో ఓ సారి శ్రీదేవి వాళ్ల నాన్న వచ్చి.. శ్రీదేవిని పెళ్లి చేసుకోమని అడిగారు. అయితే.. అప్పటికే ఆమె సినిమాల్లో హీరోయిన్‌గా నటిస్తుండటంతో.. మా అమ్మగారికి ఇష్టం లేకపోయింది. దీంతో.. మా కొడుకు ఎమ్మెస్ చదవాలని.. ఇప్పుడే పెళ్లి చేసే ఉద్దేశం లేదని మా అమ్మ ఆయనతో చెప్పింది’ అని రాజశేఖర్ వెల్లడించారు. అనంతరం 1996లో బాలీవుడ్ నిర్మాత బోనీ కపూర్‌ని శ్రీదేవి పెళ్లి చేసుకున్న విషయం తెలిసిందే.