//single page style gallary page

Questions? reply in 15 minutes!

Questions? reply in 15 minutes!

ఉత్తరాంధ్రకి భారీ వర్ష సూచన...!

Category : national

బంగాళాఖాతంలో ఏర్పడిన అల్ప పీడనం కారణంగా ఉత్తరాంధ్ర జిల్లాలకు భారీ వర్షాల ముప్పు పొంచి ఉంది. ఒడిశాలోని గోపాలపురానికి ఆగ్నేయంగా 800 కి.మీ. దూరంలో ఏర్పడిన అల్ప పీడనం గంటకు 35 కి.మీ. వేగంతో తీరం వైపు పయనిస్తోంది. దీని ప్రభావం ఒడిశాపై ఎక్కువగా పడే అవకాశం ఉన్నప్పటికీ, ఉత్తరాంధ్ర జిల్లాల్లోనూ వర్షాలు కురుస్తాయని వాతావరణ శాఖ హెచ్చరిస్తోంది. శనివారం ఉదయం ఆంధ్ర, ఒడిశా మధ్య ఇది తీరం దాటనుంది.

రానున్న 24 గంటల్లో ఇది తీవ్ర అల్ప పీడనంగా మారే అవకాశం ఉందని వాతావరణ శాఖ తెలిపింది. తీరం చేరుకునే సమయానికి ఇది కొద్దిగా బలహీనపడుతుందని అంచనా వేస్తున్నారు. అల్ప పీడన ప్రభావం వల్ల శనివారం ఉరుములతో కూడిన వర్షాలు కురిసే అవకాశం ఉంది. ఉత్తరాంధ్ర, ఒడిశాల్లోని చాలా ప్రాంతాల్లో ఆదివారం వరకు ఈదురు గాలులతో కూడిన వర్షాలు కురుస్తాయని వాతావరణ శాఖ తెలిపింది.

అల్ప పీడనం ప్రభావంతో గంటకు 60 కి.మీ. వరకు తీరం వెంట గాలులు వీచే అవకాశం ఉంది. సముద్రంలో అలల ఉద్ధృతి ఎక్కువగా ఉంటుందని, మత్స్యకారులు వేటకు వెళ్లొద్దని వాతావరణ శాఖ హెచ్చరించింది. ఒడిశాలోని గజపతి, గంజాం, రాయ్‌గఢ్, ఖోర్డా, పూరీ, జగత్‌సింగ్‌పూర్, కేంద్రపారా, కటక్, మల్కాన్‌గిరి, కోరాపూట్ జిల్లాలపై అధిక ప్రభావం ఉంటుంది.