//single page style gallary page

Questions? reply in 15 minutes!

Questions? reply in 15 minutes!

శశికళ తరచు జైలు నుండి బైటకు వెళ్లేదా ?

Category : national

ఆదాయానికి మించిన ఆస్తుల కేసులో ప్రస్తుతం బెంగళూరు లోని పరప్పన అగ్రహార సెంట్రల్ జైలు లో జైలు శిక్ష అనుభవిస్తున్న అన్నాడీయంకే తాత్కాలిక ప్రధాన కార్యదర్శి వికె శశికళ తరచూ జైలు నుండి బయటకు వెళ్లి వస్తూ ఉండేదని అనుమానాలు కలుగుతున్నాయి. ఆమె నుండి భారీ ముడుపులు స్వీకరించి, ఉన్నత జైలు అధికారులు ఆమెకు జైళ్లు వివిఐపి సదుపాయాలు కల్పించారని వచ్చిన ఆరోపణలపై దర్యాప్తు జరుపుతున్న ఏసీబీకి ఈ విషయమై షాక్ కలిగించే ఆధారాలు లభిస్తున్నాయి. 

ఈ ఆరోపణలు జరిపిన డిఐజి డి రూప ఈ విషయమై ఏసీబీకి సాక్ష్యంగా సమర్పించిన వీడియో టేప్ ప్రభుత్వ వర్గాలలో కలవరం కలిగిస్తున్నది. జైలు లో ఆమెకు వివిఐపి సదుపాయాలు కల్పించారని ఉన్నత అధికారులకు నివేదికలు పంపి సంచలనం కలిగించిన ఆమెను అప్పట్లో జైలు శాఖ నుండి బదిలీ చేయడం తెలిసినదే. 

ఇప్పుడు ఆమె సాక్ష్యంగా ఇచ్చిన వీడియో లో శశికళ బయటకు వెళ్లి ప్రధాన ద్వారం గుండా జైలు లోపలకు సివిల్ దుస్తువులలో వేస్తూ ఉండడం కనిపిస్తున్నది. ఆమెతో పాటు ఆమె బంధువు ఇళవరసి కూడా ఉన్నారు. ఈ విధంగా శశికళ ఎన్ని పర్యాయాలు జైలు నుండి బయటకు వెళ్లి తిరిగి వస్తున్నారో అన్నది ఇప్పుడు ప్రశ్నార్ధకరంగా మారింది.