//single page style gallary page

Questions? reply in 15 minutes!

Questions? reply in 15 minutes!

ట్రంప్ నిర్ణయాలతో స్వదేశాలకు మేలు జరుగనుందా..?

Category : world

అమెరికా అధ్యక్షుడు డొనాల్డ్ ట్రంప్ H1B చట్టంలో మార్పులు చేస్తూ, వీసా పొందే మార్గాలను కఠినతరం చేస్తున్నాడు. H1B వీసా కార్యక్రమాన్ని దుర్వినియోగం చేస్తూ, అమెరికన్ల ఉద్యోగాలకు గండికొడుతున్నారని ట్రంప్ వాదన. 'బై అమెరికన్ హైర్ అమెరికన్' అనే నినాదం చేస్తూ, అత్యధిక వేతనం, అత్యధిక నైపుణ్యం ఉన్నవారే H1B వీసా పొందేలా నిబందనలను రూపొందించాలని ఒక కార్యనిర్వాహక ఉత్తర్వులను జారీచేశాడు ట్రంప్.

కానీ H1B వీసా కార్యక్రమం వలన అమెరికాకే నష్టం అని కొందరి నిపుణుల వాదన. H1B వీసా పొందేందుకు కంపెనీలు అధిక రుసుములు చెల్లిస్తారు కనుక మంచి నైపుణ్యం ఉన్న వారిని ఉద్యోగాల్లో నియమించుకునేందుకు యాజమాన్యాలు ప్రయత్నిస్తాయన్నారు. నిజానికి ఆ ఉద్యోగానికి సరైన నైపుణ్యం ఉన్న అమెరికన్లు అందుబాటులో లేనప్పుడు, వేదేశీయులవైపు కంపెనీలు చూస్తాయని కొందరి వాదనైతే, మరికొందరు అమెరికన్ల స్థానంలో విదేశీయులను నియమిస్తున్నారని వాదిస్తున్నారు.

వాస్తవానికి అమెరికా విశ్వవిద్యాలయాల్లో విద్యనభ్యసించేవారిలో 60% విదేశీయులే. వారిలో అధికశాతం అక్కడే ఉద్యోగం చేస్తున్నారు. ఈ విదేశీ ఉద్యోగులందరు అమెరికా ఆర్థిక వ్యవస్థకు బలం చేకూరుస్తారు. ఇప్పుడు వారిని దేశం నుండి పంపిస్తే మనకు పోటీదారులవుతారని వాదిస్తున్నారు. ఎందుకంటే వీరిలో అధిక శాతం అమెరికాలో చదువుకొని, శిక్షణ పొందిన వారు కావటంతో ఈ సమస్య ఉత్పన్నమయ్యే అవకాశాలు ఎక్కువ అని అమెరికా కాంగ్రెస్ సభ్యుడు ఎరిక్ పాల్ సెల్ అన్నాడు.

ఇది ఇలా వుంటే ట్రంప్ దెబ్బకు స్వదేశంలో ఉద్యోగాల కోసం ప్రయత్నించే వారి సంఖ్య గణనీయంగా పెరుగుతుంది. 2016 డిసెంబర్ లో అమెరికాలో ఉండే భారతీయులు 600 మంది స్వదేశములో ఉద్యోగం కోసం ప్రయత్నించగా ఇప్పుడు అది 7 వేలకు చేరుకుందని కన్సల్టింగ్ సంస్థ 'డియోలైట్' తెలిపింది. వీసా సంస్కరణల వలన స్వదేశీ ఆర్థిక వ్యవస్థకు ఊతం ఏర్పడనుంది.

Related News