//single page style gallary page

Questions? reply in 15 minutes!

Questions? reply in 15 minutes!

సీబీఐ కోర్ట్ నుండి పారిపోవాలని చూసిన గుర్మీత్

Category : national

తనను కోర్ట్ దోషిగా తెలిస్తే అనుచరులతో పెద్ద ఎత్తున విధ్వంసం సృష్టించడం ముందుగానే పధకం సిద్ధం చేసిన డేరా స‌చ్చా సౌదా చీఫ్ గుర్మీత్ రామ్ ర‌హీమ్‌, కోర్ట్ నుండి పారిపోవాలని కూడా పధకం వేసుకున్నట్లు తెలుస్తున్నది. ఏది ఏమైనా అరెస్ట్ కాకుండా తప్పించుకోవాలని చూసాడు. ఒకసారి తప్పుకొని, వేల సంఖ్యలో ఉన్న మద్దతు దారుల మధ్యకు వెడితే, వారు మానవకవచంగా ఏర్పడి తనను తాకనీయరని పధకం వేశాడు.

పైగా, అత‌ని ర‌క్ష‌ణ కోసం ఏర్పాటు చేసిన భ‌ద్ర‌తా సిబ్బందే అందుకు ప్రయత్నం చేసినట్లు వెల్లడైనది. స్వయంగా హ‌ర్యానా పోలీసులే ఈ విష‌యాన్ని వెల్ల‌డించారు. రేప్ కేసులో అత‌ను దోషి అని కోర్టు తేల్చిన త‌ర్వాతే గుర్మీత్‌ను త‌ప్పించే ప్ర‌య‌త్నం  క‌చ్చితంగా జ‌రిగింద‌ని పోలీసులు చెబుతున్నారు. గుర్మీత్‌కు ర‌క్ష‌ణ‌గా ఉన్న‌ది హ‌ర్యానా పోలీసులే. వాళ్ల‌తోపాటు మ‌రికొంద‌రు ప్రైవేట్ సిబ్బంది కూడా ఉన్నారు. కోర్టు తీర్పు త‌ర్వాత అత‌ను త‌న ప్రైవేట్ వెహికిల్‌లో త‌ప్పించుకుని వెళ్లేలా ప్లాన్ చేశారు.

గుర్మీత్‌ను జెడ్ ప్ల‌స్ సెక్యూరిటీ స‌హా అక్క‌డి నుంచి త‌ప్పించి అత‌నికి మ‌ద్ద‌తుగా ఉన్న ల‌క్ష‌ల మంది అనుచ‌రుల మ‌ధ్య‌లోకి తీసుకెళ్లాల‌ని చూశారు. అదే జ‌రిగి ఉంటే అత‌న్ని అరెస్ట్ చేయ‌డం మాకు చాలా క‌ష్ట‌మ‌య్యేది అని ఓ హ‌ర్యానా పోలీస్ అధికారి వెల్ల‌డించారు. ఈ విష‌యాన్ని ప‌సిగ‌ట్టి.. అక్క‌డే ఉన్న కొంద‌రు పోలీస్ అధికారులు, పారామిలిట‌రీ సిబ్బంది గుర్మీత్‌ను క‌స్ట‌డీలోకి తీసుకున్నారు.

ఈ సంద‌ర్భంగా అత‌ని ప్రైవేట్ సెక్యూరిటీతో వాళ్లకు కాస్త గొడ‌వ కూడా జ‌రిగింది. వెంట‌నే వారిని ప‌క్క‌నే ఉన్న మ‌రో గ‌దిలో బంధించారు. వాళ్ల‌పై హత్యాయ‌త్నం, దేశ‌ద్రోహం, పోలీస్ అధికారులు త‌మ విధులు నిర్వ‌హించ‌కుండా అడ్డుకున్న కేసులు వారిపై న‌మోదు చేశారు. వాళ్లంద‌రినీ అరెస్ట్ చేసి వారం రోజుల పోలీస్ రిమాండ్‌కు త‌ర‌లించారు.

గుర్మీత్‌ను పోలీస్ వాహ‌నంలో తీసుకెళ్ల‌కుండా కూడా వాళ్లు అడ్డుకున్నార‌ని, వాహ‌నానికి అడ్డంగా ప‌డుకున్నార‌ని ఈ ఘ‌ట‌న‌ను ప్ర‌త్య‌క్షంగా చూసిన ఓ అధికారి చెప్పారు. గుర్మీత్ ప్రైవేట్ సెక్యూరిటీగా ఉన్న ఏడుగురిని అరెస్ట్ చేశారు.