//single page style gallary page

Questions? reply in 15 minutes!

Questions? reply in 15 minutes!

జూలైలో జీఎస్టీ వసూల్ రూ 92,283 కోట్ల

Category : business

కేంద్ర ప్రభుత్వం జులై 1 నుండి కొత్తగా ప్రవేశపెట్టిన వస్తు సేవల పన్ను (జీఎస్టీ) అద్భుతమైన ఆరంభాన్నిచ్చింది. జీఎస్టీ కింద జూలైలో 92,283 కోట్ల రూపాయలు వసూలైనట్టు ఆర్థిక మంత్రి అరుణ్‌ జైట్లీ వెల్లడించారు. ఇదంతా కేవలం 64.4 శాతమేనని చెప్పారు. బడ్జెట్ ప్రకారం అంచనా రూ 91 వేల కోట్లు మాత్రమే కావడం గమనార్హం.

జీఎస్టీ కింద మొత్తం 59.57 లక్షల మంది నమోదు చేసుకోగా వారిలో 38.3 లక్షల మంది మాత్రమే పన్ను చెల్లించినట్టు ఆయన తెలిపారు. వసూలైన మొత్తం పన్నులో సెంట్రల్ జీఎస్టీ కింద రూ. 14,894, స్టేట్ జీఎస్టీ కింద రూ. 22,722 కోట్లు, ఇంటిగ్రేటెడ్ జీఎస్టీ కింద రూ. 47,469 కోట్లు, లగ్జరీ ఉత్పత్తులు, నిరుత్సాహపర్చాల్సిన జాబితాలోని వస్తువులపై విధించే సెస్‌ ద్వారా వసూలైన రూ. 7,198 కోట్లు ఉన్నాయని జైట్లీ వివరించారు.

రానున్న రోజుల్లో జీఎస్టీ కింద నమోదయ్యే పన్ను చెల్లింపుదారుల సంఖ్య పెరుగుతుందనీ, దాంతో పాటు పన్ను వసూళ్లు కూడా పెరుగుతాయని జైట్లీ చెప్పారు. వాస్తవానికి బడ్జెట్‌ టార్గెట్‌ ప్రకారం, మొత్తం నూరు శాతం మంది పన్ను చెల్లింపుదారులు రిటర్న్స్‌ ఫైల్‌ చేస్తే రాబడి మొత్తం ఇంకా పెరుగుతుందని ధీమా వ్యక్తం చేశారు.

పాత పద్ధతి నుంచి జీఎస్టీకి మారిన పన్ను చెల్లింపుదారుల సంఖ్య 72.33 లక్షలుంటుందని చెప్పారు. అయితే లాంఛనాలన్నీ పూర్తి చేసి రిటర్న్స్‌ ఫైలింగ్‌కు సిద్ధంగా ఉన్న వారు మాత్రం 59.57 లక్షలని జైట్లీ వివరించారు. జీఎస్టీ ఫైలింగ్‌లో జాప్యం చేస్తున్న వారినుంచి రోజుకు రూ. 100 చొప్పున జరిమానా వసూలు చేయనున్నట్టు ఆర్థిక స్పష్టం చేశారు.