//single page style gallary page

Questions? reply in 15 minutes!

Questions? reply in 15 minutes!

పెద్ద నోట్లను రద్దు పాతాళంలోకి పడిపోయిన వృద్ధి

Category : national

పెద్ద నోట్లను రద్దు చేస్తూ తీసుకున్న నిర్ణయంతో వృద్ధి పాతాళంలోకి పడిపోయిందని వరల్డ్ బ్యాంక్ మాజీ ప్రధాన ఆర్థిక వేత్త కౌశిక్ బసు అభిప్రాయపడ్డారు. ప్రస్తుత ఆర్థిక సంవత్సరం తొలి త్రైమాసికానికిగాను వృద్ధి మూడేండ్ల కనిష్ఠ స్థాయి 5.7 శాతానికి జారుకోవడం ఆందోళన కల్గిస్తున్నదన్నారు.

"నేను అంచనావేసిన దానికంటే తక్కువగా వృద్ధి నమోదైంది" అని చెప్పారు. 2003 నుంచి 2011 మధ్యకాలంలో భారత వృద్ధి 8 శాతం కంటే అధిక స్థాయిలో కొనసాగిందన్న విషయాన్ని బసు ఈ సందర్భంగా ప్రస్తావించారు. 2008 ఆర్థిక సంక్షోభ సమయంలోనూ జీడీపీ 6.8 శాతంగా నమోదైంది.

అంతర్జాతీయ మార్కెట్లో ఇంధన ధరలు భారీగా తగ్గడం, ప్రస్తుతానికి ఇండియా స్థానాన్ని చైనా దక్కించుకున్నప్పటికీ భవిష్యత్తులో 8 శాతం దాటే సత్తా భారత్‌కు మాత్రమే ఉందని ఆయన స్పష్టం చేశారు. పెద్ద నోట్ల రద్దు నిర్ణయం చాలా తప్పిదమని, ఎగుమతులు, ఇతర రంగాలపై తీవ్రస్థాయిలోప్రభావం చూపిందని బసు పేర్కొన్నారు. వస్తు, సేవా పన్ను, దివాలా చట్టం, కేంద్ర ప్రభుత్వం తీసుకుంటున్న చర్యలు భవిష్యత్తు వృద్ధి ఆధారపడివుంటుందని పేర్కొన్నారు.

సంపన్న దేశాల్లో ఒకటైన భారత్‌లో సగం మందికి బ్యాంక్ ఖాతా లేదని, ఈ సమయంలో డిజిటల్ పరిధిలోకి రావడం విడ్డురంగా ఉందని చెప్పారు. నిరుపేదలకు వ్యతిరేకంగా పాలసీలను రూపొందిస్తున్నారని, ఇది వారికి చెడు చేయనున్నదని ఆయన హెచ్చరించారు. ఆర్థిక వ్యవస్థలోకి నిధుల ప్రవాహాన్ని పెంచాలని, అప్పుడే డిమాండ్ పెరిగి మెరుగైన వృద్ధికి బాటలు వేయనున్నదని చెప్పారు. డాలర్‌తోపోలిస్తే రూపాయి బలపడుతుండటం దేశీయ ఆర్థిక వ్యవస్థకు లాభం చేకూర్చనున్నప్పటికీ ఎగుమతులపై మాత్రం ప్రతికూల ప్రభావం చూపనున్నదని తెలిపారు.