//single page style gallary page

Questions? reply in 15 minutes!

Questions? reply in 15 minutes!

పెట్రోల్, డీజిల్‌పై ఎక్సైజ్ సుంకాన్నితగ్గించిన కేంద్రం

Category : business

వాహనదారులకు శుభవార్త. పెట్రోలియం ఉత్పత్తుల ధరలు గరిష్ట స్థాయికి చేరిన నేపథ్యంలో పెట్రోల్, డీజిల్‌పై కేంద్రం ఎక్సైజ్ సుంకాన్ని తగ్గించింది. అక్టోబర్ 4 నుంచి లీటర్‌కు రూ. 2 చొప్పున ఎక్సైజ్ సుంకాన్ని తగ్గిస్తున్నట్లు ప్రభుత్వం ప్రకటించింది. ఈ నిర్ణయంతో ఏడాదికి రూ. 26 వేల కోట్ల మేర సర్కారు ఆదాయం తగ్గనుంది. జూలైలో 1.88 శాతంగా ఉన్న హోల్‌సేల్ ద్రవ్యోల్బణం ఆగష్టులో 3.44 శాతానికి చేరడంతో ధరల భారం పెరిగింది. ఈ నేపథ్యంలో సామాన్యుడిపై ఊరటనిచ్చేందుకు కేంద్రం ఈ నిర్ణయం తీసుకుంది.

బ్రాండెడ్, అన్ బ్రాండెడ పెట్రోల్, డీజిల్‌‌పై సుంకం తగ్గింపు వర్తిస్తుందని ప్రభుత్వం ప్రకటించింది. ఈ నిర్ణయంతో ప్రస్తుత ఆర్థిక సంవ్సతరంలోనే సర్కారు రూ. 13 వేల కోట్ల మేర ఆదాయాన్ని కోల్పోనుంది. పశ్చిమ దేశాల్లో హరికేన్ల కారణంగా రిఫైనరీలు మూతపడటంతో అంతర్జాతీయంగా పెట్రోల్ ధరలు పెరిగాయి. రోజూవారీ ధరల సమీక్షకు తోడు పన్నులు అధికంగా ఉండటంతో పెట్రోల్, డీజిల్ ధరలు భారీగా పెరిగిన నేపథ్యంలో కేంద్రం ఈ నిర్ణయం తీసుకుంది.