//single page style gallary page

Questions? reply in 15 minutes!

Questions? reply in 15 minutes!

యుద్ధ విమానాల కొనుగోలు గురించి.....ప్రభుత్వం....

Category : national

ఫ్రాన్స్ నుండి దేశ ర‌క్ష‌ణ కోసం కొనుగోలు చేసిన‌ 36 రాఫెల్ విమానాలను సేకరించేందుకు 2016 ఇంటర్-గవర్నమెంట్ అగ్రిమెంట్ (IGA) కు సంబంధించి అస్పష్టమైన ఆరోపణలు జరుగుతున్నాయి. దీని గురించి విప‌క్షాలు ప్ర‌జ‌ల‌ను త‌ప్పుదోవ ప‌ట్టించే ఆరోప‌ణ‌లు చేస్తున్నాయి. జాతీయ భ‌ద్ర‌త‌కు సంబంధించిన విష‌యం కాబ‌ట్టి ఈ విష‌యంలో ప్ర‌భుత్వం ఆచితూచి వ్య‌వ‌హరిస్తోంది.

ఇక్క‌డ అంద‌రూ గుర్తెరగాల్సిన విష‌యం ఏమిటంటే గ‌త ప్ర‌భుత్వం 2002లో ఇండియ‌న్ ఎయిర్ ఫోర్స్ (ఐఏఎఫ్‌) కోసం యుద్ద విమానాల‌ను కొనుగోలు చేయాల‌ని నిర్ణ‌యించింది .అంతే కాకుండా 2012లో అప్ప‌టి ర‌క్ష‌ణ మంత్రి 126 మ‌ధ్య స్థాయి మ‌ల్టీ రోల్ కంబాట్ ఎయిర్ క్రాఫ్ట్ కొనుగోలు ప్ర‌క్రియ‌ను ఏక‌ప‌క్షంగా వీటో చేసి దానికి సంబంధించిన ఒప్పందాన్ని ఆపేశారు. ఒక ప‌క్క దేశం ఎయిర్ ఫోర్స్ ఫైట‌ర్ బ‌ల‌గం త‌క్కువ ఉన్న‌ప్ప‌టికీ ఇది జ‌రిగింది. మొత్తానికి 2012 ఫిబ్ర‌వ‌రిలో ర‌ఫెల్ నుంచి యుద్ద విమానాల కొనుగోలు ఒప్పందం ఆగిపోయింది.

ప్ర‌స్తుతం కాంగ్రెస్ చేస్తున్న ప్ర‌ధాన ఆరోప‌ణ ర‌ఫెల్ ఎయిర్ క్రాఫ్ట్ ఒప్పందానికి సంబంధించిన విలువ,దానికి సంబంధించిన పూర్తి వివ‌రాల‌ను బ‌హిర్గతం చేయ‌డం లేద‌ని.(అప్ప‌ట్లో యూపీఏ ప్ర‌భుత్వం సైతం యుద్ద విమానాల విలువ‌, ఒప్పందం విలువ‌ను వెల్ల‌డించేందుకు వెనుక‌డుగు వేసింది). పార్ల‌మెంటు స‌మావేశాల్లో అడిగిన ప్ర‌శ్న‌ల‌కు సైతం కాంగ్రెస్ భ‌ద్ర‌తా కార‌ణాల పేరు చెప్పి ఒప్పంద వివ‌రాల‌ను బ‌హిరంగ ప‌ర‌చ‌లేదు. ప్ర‌స్తుతం ఎన్డీఏ ప్ర‌భుత్వం 2016 సంవత్సరంలో రాఫెల్ విమానాల కొనుగోలు చర్చలు పూర్తిచేసింది.

ఐఎఎఫ్ యొక్క అత్యవసర అవసరాన్ని తీర్చడానికి ఫ్రాన్స్ దేశానికి స‌బంధించిన‌ ఒక ఇంటర్-గవర్నమెంట్ అగ్రిమెంట్ (IGA) ద్వారా 36 రాఫెల్ విమానాలను సేకరించడాన్ని ప్ర‌తిష్టాత్మ‌కంగా తీసుకుంది. ఈ ఒప్పందం ఖచ్చితంగా అన్ని చర్యలలో తప్పనిసరిగా డిఫెన్స్ ప్రొక్యూర్మెంట్ పద్దతికి అనుగుణంగా ఉంటుంది, 2009-10లో ఈ విమానం ఇప్పటికే IAF చే విజయవంతంగా పరిశీలించబడింది. ఒప్పందంలో భాగంగా ప్ర‌తి ఎయిర్ క్రాఫ్ట్ విలువ‌ను ప్ర‌త్యేకంగా వెల్ల‌డించ‌డానికి వీల్లేదు. అందుకే మొత్తం ఒప్పందం విలువ‌ను పార్ల‌మెంటుకు స‌మ‌ర్పించిన‌ప్ప‌టికీ విప‌క్షాలు, వివిధ రాజ‌కీయ నాయకులు అడుగుతున్న‌ట్లుగా ఒక్కొక్క యుద్ద విమానం విలువ‌ను వెల్ల‌డించ‌డం కుద‌ర‌దు.