అనేక అద్భుతాలు సృష్టించి..కావాల్సిన సమాచారాన్ని క్షణాల్లో అందించి..కోటానుకోట్ల సెర్చ్ పేజీలు.. లెక్క‌కు మించిన అప్లికేష‌న్లు.. వంద‌ల కోట్ల సంఖ్య‌లో వినియోగ‌దారులు… ల‌క్ష‌ల కోట్ల డాల‌ర్ల ట‌ర్నోవ‌ర్‌…ఇలా చెప్పుకుంటూ పోతే సాఫ్ట్‌వేర్ దిగ్గ‌జ సంస్థ గూగుల్ గురించి చాలానే ఉంది. 1998 లో లారీ పేజ్‌, సెర్జీ బ్రిన్ లు స్థాపించిన గూగుల్ నేడు సాఫ్ట్‌వేర్ రంగంలో అగ్ర‌స్థానంలో కొన‌సాగుతోంది.ఈ నేపథ్యంలో గూగుల్ 19వ పుట్టిన రోజు సందర్భంగా గూగుల్ హోం పేజీలో ప్రత్యేక డ్యూడుల్ దర్శనమిచ్చింది. ప్రముఖుల పుట్టిన రోజులు, ప్రత్యేక సందర్భాల్లో నూతన డూడుల్స్‌ ఏర్పాటు చేసే గూగుల్ తన 19వ పుట్టిన రోజు సందర్భంగా సరికొత్త డూడుల్‌ రూపొందించింది. బర్త్‌డే కేక్‌, బెలూన్స్‌, గిఫ్ట్స్‌తో డూడుల్‌ సిద్ధం చేయడంతో పాటు సర్‌ప్రైజ్‌ స్పిన్నర్‌ను ఏర్పాటు చేసింది. స్పిన్నర్‌ ను క్లిక్‌ చేస్తే 19 రకాల డూడుల్‌ గేమ్స్‌ దర్శనమిస్తాయి.
Thursday, July 2nd 2020