//single page style gallary page

Questions? reply in 15 minutes!

Questions? reply in 15 minutes!

తగ్గిన బంగారం ధర..!

Category : business

దీపావళి తర్వాత కొద్ది రోజులు తటస్థంగా ఉన్న బంగారం ధరలు, నవంబరు చివరిలో కొద్దిగా పెరిగాయి. అయితే గత రెండు రోజులగా పసిడి ధరలు తగ్గుతూ వస్తున్నాయి. గురువారంతో పోల్చుకుంటే పసిడి ధరలు మరింత దిగివచ్చింది. గురువారం రూ.200లు తగ్గిన బంగారం, శుక్రవారం కూడా అంతేస్థాయిలో దిగివచ్చి మూడు నెలల కనిష్ఠానికి చేరుకుంది.

బులియన్ మార్కెట్‌లో స్వచ్ఛమైన పది గ్రాముల బంగారం రూ.29,750 దిగువకు పడిపోయింది. అలాగే 22 క్యారెట్ల 10 గ్రాముల బంగారం ధర కూడా రూ.27, 500 దిగువకుకి చేరింది. అంతర్జాతీయ పరిస్థితులు, స్థానిక వ్యాపారుల నుంచి మద్దతు లభించకపోవడంతో పసిడి ధర పడిపోయినట్లు మార్కెట్‌ వర్గాలు వెల్లడించాయి.

మరో వైపు పుత్తడి బాటలోనే వెండి కూడా నేలచూపులు చూస్తోంది. కిలో వెండికి గురువారం రూ.375 మేర తగ్గగా, శుక్రవారం రూ.425 తగ్గి రూ.37,700 లకు చేరింది. పారిశ్రామిక వర్గాలు, నాణేల తయారీదారుల దగ్గర నుంచి కొనుగోళ్లు ఆశించిన స్థాయిలో లేకపోవడంతో వెండికి డిమాండ్ తగ్గినట్లు వ్యాపారులు పేర్కొన్నారు. మరోవైపు అంతర్జాతీయంగా బంగారం ధర 1.27శాతం క్షీణించడంతో ఔన్సు 1,247.80 డాలర్లు పలికింది. వెండి కూడా 1.41శాతం తగ్గడంతో ఔన్సు 15.70డాలర్లుగా ట్రేడ్ అవుతోంది.