//single page style gallary page

Questions? reply in 15 minutes!

Questions? reply in 15 minutes!

సోషల్ మీడియాతో ఆకతాయి ఆటకట్టించిన యువతి!

Category : national

ప్రింట్, ఎలక్ట్రానిక్ మీడియాల కన్నా సోషల్ మీడియా ఇప్పుడు పవర్‌ఫుల్‌గా మారిందని చెప్పనక్కరలేదు. ఎవరినీ ఆశ్రయించాల్సిన పనిలేదు ఎవరినీ బతిమలాడాల్సిన అవసరం అస్సలు లేదు. సింపుల్‌గా ఫేస్‌బుక్‌లో ఒక పోస్ట్, ట్విట్టర్‌లో ఒక ట్వీట్ పెడితే చాలు వాటి పని అవే చేసుకుంటూ వెళ్లిపోతాయి. ముఖ్యంగా యూత్ అత్యధికంగా ఫాలో అయ్యే ఫేస్‌బుక్ ద్వారా అయితే మెసేజ్ మరింత ఎక్కువ మందికి చేరుతుంది. ఈ పాయింట్‌నే ఓ అమ్మాయి ఉపయోగించుకుంది. తనను తీవ్రంగా వేధించిన ఆకతాయి ఆటకట్టించింది. యువతి ఫేస్‌బుక్ పోస్ట్‌ను ఆధారంగా తీసుకున్న పోలీసులు ఆకతాయిపై సుమోటో కేసు బుక్ చేశారు.

కర్ణాటకలోకి మంగళూరుకు చెందిన రష్మి శెట్టి అనే యువతి గత ఆదివారం మధ్యాహ్నం అలోయిసిస్ డిగ్రీ కాలేజ్ నుంచి బాల్‌మట్ట వైపు నడుచుకుంటూ వెళ్తోంది. ఈ సమయంలో ఓ కుర్ర వెధవ స్కూటర్‌పై రష్మిని ఫాలో అవుతూ వెళ్లాడు. అంతేకాకుండా ఆమెను తీవ్రంగా వేధించాడు. దీంతో విసుగుపోయిన రష్మి ఆ కుర్రాడి స్కూటర్‌ను ఫొటో తీసింది. నంబర్ ఆధారంగా ఆర్టీఓ వెబ్‌సైట్‌లో వివరాలు సేకరించింది. ఈ రెండింటిని ఫేస్‌బుక్‌లో పెట్టింది. ‘KA 19 EU 0932 నేను భయపడతాను, సిగ్గుపడతాను అనుకున్నావ్..’ అంటూ మొదలు పెట్టి ఆ ఆకతాయిని ఏకిపారేసింది. ఇప్పుడు ఆ పోస్ట్ వైరల్ అవుతోంది.ఈ ఫేస్‌బుక్ పోస్ట్ ఆధారంగా మంగళూరు ఉమెన్స్ పోలీసులు సుమోటో కేసు బుక్ చేశారు. ఐపీసీ 354(డి), 509 సెక్షన్ల కింద కేసు బుక్ చేసినట్లు డీసీపీ కె.ఎం. శాంతరాజు వెల్లడించారు.