//single page style gallary page

Questions? reply in 15 minutes!

Questions? reply in 15 minutes!

ట్రంప్ టవర్‌లో అగ్ని ప్రమాదం..

Category : world

న్యూయార్క్‌లోని ట్రంప్ టవర్‌లో సంభవించిన అగ్ని ప్రమాదం అధికారులను ఉక్కిరిబిక్కిరి చేసింది.

ఈరోజు వేకువజామున మన్‌హటన్‌లోని ‘ట్రంప్ టవర్’ పై అంతస్తు నుంచి నల్లటి పొగ రావడం గమనించిన న్యూయార్క్ వాసులు భయాందోళనలకు గురయ్యారు. వెంటనే అప్రమత్తమైన అగ్ని మాపక సిబ్బంది మంటల్ని అదుపులోకి తెచ్చే ప్రయత్నం చేస్తున్నారు. విద్యుత్ షార్ట్ సర్క్యూట్ కారణంగానే ప్రమాదం జరిగినట్లు అధికారులు తెలిపారు. ఘటనలో ఎవరికీ ఎలాంటి ప్రమాదం జరగకపోవడంతో అధికారులు ఊపిరి పీల్చుకున్నారు.

ప్రమాదం జరిగిన సమయంలో అమెరికా అధ్యక్షుడు ట్రంప్ వాషింగ్టన్‌లో ఉన్నారు. రాజకీయాల్లోకి అడుగుపెట్టక ముందు రియల్ ఎస్టేట్ వ్యాపారిగా గుర్తింపు పొందిన డొనాల్డ్ ట్రంప్.. 1979లో ఆ టవర్‌ను కొనుగోలు చేశారు. అనంతరం 11 అంతస్తుల బిల్డింగ్‌ను అత్యాధునిక వసతులతో 68 అంతస్తులకు నిర్మించారు. కార్పొరేట్ ఆఫీస్‌ను కూడా ట్రంప్ టవర్స్‌లోనే ఏర్పాటు చేశారు.

ట్రంప్ టవర్స్‌లో కార్పొరేట్ ఆఫీసులతో పాటు, షాపింగ్ ఔట్‌లెట్స్‌, రెస్టారెంట్లు, లగ్జరీ అపార్ట్‌మెంట్లు ఉన్నాయి. పై అంతస్తులో ఏర్పాటు చేసిన ఓపెన్ రూఫ్ హాల్ సందర్శకులను విశేషంగా ఆకర్షిస్తుంది. ప్రస్తుతం ట్రంప్ దంపతులు వైట్‌హౌజ్‌లో ఉంటున్నారు.