//single page style gallary page

Questions? reply in 15 minutes!

Questions? reply in 15 minutes!

ఫేస్‌బుక్‌ పేజీల నుంచి లైకులను తొలగించిన ఫేస్‌బుక్‌ సంస్థ

Category : world

ఫేస్‌బుక్‌లో ఇప్పటివరకు భారీగా లైకులు కలిగిన పలు ప్రముఖ ఫేస్‌బుక్‌ పేజీలకు ఉన్నట్టుండి భారీగా లైకులు తగ్గిపోయాయి . ఒక్కో పేజీకున్న లైకుల్లో ఒక్కసారిగా 30- 40 శాతం పడిపోయాయి. అందుకు కారణం ఫేస్‌బుక్‌ సంస్థ చేపట్టిన ‘ఆపరేషన్‌ స్పామ్‌’. నకిలీ ఖాతాలు, చాట్‌బాట్‌లను గుర్తించి వాటి నుంచి వెళ్లే నకిలీ లైకులను తొలగించేందుకు ఫేస్‌బుక్‌ ఈ ఆపరేషన్‌ చేపట్టింది. అందులో భాగంగా కొన్ని కోట్ల లైకులను పలు ప్రముఖ పేజీల నుంచి తొలగించినట్లు వెల్లడించింది.

ముఖ్యంగా ప్రముఖ అంతర్జాతీయ వార్తా సంస్థల పేజీలకు నకిలీ లైకులు అధికంగా వచ్చినట్లు తేలింది. ‘సీబీఎస్‌ న్యూస్‌ 24’ పేజీలకు వచ్చిన దాదాపు 80 లక్షలు లైకులు, ‘యూఎస్‌ఏ టుడే’ పేజీకి వచ్చిన 34 శాతం లైకులు నకిలీవేనట. వాటన్నింటినీ ఫేస్‌బుక్‌ సంస్థ తొలగించేసింది. నకిలీ ఖాతాలను గుర్తించేందుకు దాదాపు 6 నెలలు పట్టిందని, ఆ ఖాతాలన్నింటినీ బ్లాక్‌ చేయడంతో వాటి నుంచి వెళ్లిన లైకులు తొలగిపోయాయని ఫేస్‌బుక్‌ సంస్థ తెలిపింది.

మరికొన్ని ప్రముఖ పేజీల నుంచి తొలగించిన నకిలీ లైకుల సంఖ్య

బీబీసీ - 200,000

సీఎన్‌ఎన్‌ - 223,000

ఎన్‌బీసీ న్యూస్‌- 2,31,530

యాహూ న్యూస్‌ - 160,400

Related News