//single page style gallary page

Questions? reply in 15 minutes!

Questions? reply in 15 minutes!

హోండా కార్ల కొనుగోలుపై అద్భుతమైన ఆఫర్లు

Category : business

హోండా కార్స్ ఇండియా ప్రముఖ వాహన తయారీ కంపెనీ తాజాగా పలు మోడళ్లపై ప్రత్యేక ఆఫర్లను ప్రకటించింది. ఏకంగా రూ.లక్ష వరకు ప్రయోజనాలు అందిస్తోంది. బ్రియో, అమేజ్, డబ్ల్యూ‌ఆర్-వీ, సిటీ, బీఆర్-వీ వంటి మోడళ్లపై ఇన్సూరెన్స్, యాక్ససిరీస్, ఎక్సేంజ్ బోనస్ వంటి సదుపాయాలు కల్పిస్తోంది. ఈ ప్రయోజనాలన్నీ మార్చి 31 వరకు మాత్రమే అందుబాటులో ఉంటాయి. 2018 బ్రియో మోడల్‌ తయారీని కంపెనీ నిలిపివేసింది. అయితే మిగిలిపోయిన స్టాక్‌ను ఇప్పుడు విక్రయిస్తోంది. ఈ మోడల్‌పై కంపెనీ రూ.19,000 వరకు ప్రయోజనాలను అందిస్తోంది. అలాగే ఎంఐఎస్‌పీ కింద రూ.1కే ఇన్సూరెన్స్ ఆఫర్ చేస్తోంది.

హోండా పోర్ట్‌ఫోలియోలో కొత్త జనరేషన్ అమేజ్‌కు మంచి డిమాండ్ ఉంది. కంపెనీ ఈ మోడల్‌కు ఎక్స్‌టెండెండ్ వారంటీ అందిస్తోంది. నాలుగు, ఐదో సంవత్సరంలోనూ వారంటీ పొందొచ్చు. అలాగే ఈ కారుపై ఎక్స్చేంజ్ బోనస్ కూడా ఉంది. ఎక్స్చేంజ్ రూపంలో కారు కొనుగోలు చేసేవారికే ఈ సౌలభ్యం అందుబాటులో ఉంటుంది. కొత్త కస్టమర్లకు ఎక్స్‌టెండెండ్ వారంటీ సదుపాయం లభిస్తుంది. హోండా జాజ్ కారుపై ఎక్స్చేంజ్ బోనస్ రూపంలో రూ.25,000 వరకు ప్రయోజనం పొందొచ్చు. అలాగే రూ.1కే రూ.25,000 విలువైన ఇన్సూరెన్స్‌ సొంతం చేసుకోవచ్చు.

సిటీ సెడాన్ కారుపై రూ.1కే రూ.32,000 విలువైన బీమా పొందొచ్చు. ఎక్స్చేంజ్ రూపంలో రూ.30,000 ప్రయోజనాలు అందుతాయి. రూ.10,000 విలువైన యాక్ససిరీస్‌ను పొందొచ్చు. డబ్ల్యూఆర్ వీ కారుపై కూడా రూ.1కే రూ.25,000 ఇన్సూరెన్స్ పొందొచ్చు. ఎక్స్చేంజ్ బోనస్ కింద రూ.17,000 పొందొచ్చు.

బీఆర్‌ వీ కారుపై రూ.1కే రూ.33,500 ఇన్సూరెన్స్ పొందొచ్చు. ఎక్స్చేంజ్ రూపంలో రూ.50,000 బోనస్ లభిస్తుంది. అలాగే రూ.16,500 విలువైన యాక్ససిరీస్ పొందొచ్చు. ఎక్స్చేంజ్ రూపంలో కాకుండా బీఆర్ వీ కారును కొనుగోలు చేస్తే ఇన్సూరెన్స్‌తోపాటు రూ.26,500 విలువైన యాక్ససిరీస్‌‌ను సొంతం చేసుకోవచ్చు. ఇక సివిక్, సీఆర్-వీ కార్లపై ఎలాంటి ఆఫర్లు లేవు. మొత్తానికి అదిరిపోయే ఆఫర్లతో మీ ముంగిట నిలవాలని హోండా కార్ ఇచ్చిన అవకాశం సద్వినియోగం చేసుకోండి. లక్ష రూపాయల వరకు ప్రయోజనం పొందండి.