//single page style gallary page

Questions? reply in 15 minutes!

Questions? reply in 15 minutes!

విశాఖలో టిడిపికి చెక్ : జగన్ గూటికి మాజీ ఎమ్మెల్యే

Category : politics

తెలుగుదేశం పార్టీ అనుసరిస్తున్న విధానాన్ని వైసీపీ కూడ అవలంభించాలని చూస్తోంది. ఇతర పార్టీల నుండి బలమైన నేతలను తమ పార్టీలోకి ఆహ్వనించాలని వైసీపీ ప్లాన్ చేస్తోంది.కొత్తగా పార్టీలో చేరే నేతలకు తాము కోరుకొన్న చోట పోటీ చేసేందుకు ఆవకాశాలు కల్పించాలని యోచిస్తున్నట్టు సమాచారం.

విశాఖ జిల్లాలో అధికార పార్టీ వ్యూహలకు వైసీపీ ప్రతి వ్యూహలను రచిస్తోంది. ఏపీ రాష్ట్రంలో 2019 ఎన్నికల్లో అధికారంలోకి వచ్చేందుకు వైసీపీ చీఫ్ వైఎస్ జగన్ ఇప్పటి నుండి వ్యూహ రచన చేస్తున్నారు. అయితే అధికార పార్టీ లోకి వైసీపీ నేతలు, ప్రజా ప్రతినిధులు వలసలు సాగుతున్నాయి.

ఈ పరిణామాలను దృష్టిలో ఉంచుకొని అధికార పార్టీలోని అసంతృప్త నేతలతో పాటు ఇతర పార్టీల్లోని బలమైన నేతలను తమ వైపుకు తిప్పుకొనేందుకు వైసీపీ ప్లాన్ చేస్తోంది. ఈప్లాన్ ప్రకారంగా టిడిపిలో చేరిన నేతల కారణంగా పార్టీలో ఏర్పడిన లోటును భర్తీ చేసుకోవాలని వైసీపీ చీఫ్ భావిస్తున్నారు.

ప్రజా సమస్యలపై నిరంతర పోరాటం చేస్తున్న రాజన్న తనయుడికి మద్దతుగా నిలిచేందుకు నాయకులు వైఎస్సార్‌సీపీలో చేరుతున్నారు. తాజాగా విశాఖపట్నం జిల్లాకు చెందిన మాజీ ఎమ్మెల్యే కుంభా రవిబాబు తన అనుచరులతో కలిసి వైఎస్సార్‌సీపీలో చేరారు. చిత్తూరు జిల్లా పూతలపట్టు నియోజకవర్గంలో పాదయాత్ర చేస్తున్న వైఎస్ జగన్‌ సమక్షంలో ఆయన పార్టీలోకి వచ్చారు. పార్టీ కండువాలతో వారిని వైఎస్‌ జగన్ సాదరంగా ఆహ్వానించారు.

ఈ సందర్భంగా రవిబాబు మాట్లాడుతూ... గిరిజనులంతా వైఎస్‌ జగన్‌ నాయకత్వాన్ని కోరుకుంటున్నారని అన్నారు. జగన్‌ ముఖ్యమంత్రి అయితేనే గిరిజన హక్కులు రక్షించబడతాయని వ్యాఖ్యానించారు. ఫిరాయింపు ఎమ్మెల్యేలకు గిరిజనులు తగిన బుద్ధి చెబుతారని ఆయన హెచ్చరించారు.