//single page style gallary page

Questions? reply in 15 minutes!

Questions? reply in 15 minutes!

రెండు వారాలైనా పత్తాలేని వే బిల్లులు

Category : business

జిఎస్టీ అమలులోకి వచ్చి రెండు వారాలైనా ఇంతవరకు అంతర్రాష్ట్ర సరుకుల రవాణాకు అవసరమైన  వే బిల్లు నమూనా కేంద్రం ఇంత వరకు ఖరారు చేయక పోవడం, ఈ లోగా రాష్ట్రాల సరిహద్దుల్లో చెక్ పోస్ట్ లను తీసివేయడంతో జోరుగా అక్రమ వ్యాపారం జరుగుతున్నది. తనిఖీలు దాదాపు నిలిచిపోవడంతో అవకాశంగా తీసుకున్న పలువురు పొరుగు రాష్ట్రాల్లోని ఉత్పత్తి కేంద్రాల నుండి బిల్లులు లేకుండానో, నామమాత్రపు బిల్లులతోనో సరకులు తీసుకువస్తున్నారు. 

తాము పన్ను చెల్లిరచకపోయినా జిఎస్టీని మాత్రం వినియోగదారుల వద్ద వసూలు చేసేస్తున్నారు. అధికారులు ఈ అక్రమాలను అడ్డుకోకపోగా, అందివచ్చిన అవకాశంతో అడపాదడపా దాడుల పేరిట కొరదరు జేబులు నింపుకునే ప్రయత్నాలు చేస్తున్నారు. చాలాకాలంగా కొనసాగుతున్న జీరో బిజినెస్‌ ఇప్పుడు జోరందుకుంది.  

వే బిల్లులు లేకుండానే పెద్ద మొత్తంలో సరుకు సరిహద్దులు దాటుతోంది. ఉత్పత్తిదారులు తమ బిల్లులను మాత్రమే ఇచ్చి సరుకు రవాణా చేస్తున్నారు. మధ్యలో తనిఖీలు జరిగితే ఆ బిల్లుల వివరాలు రికార్డుల్లో నమోదు చేయడం, లేకుంటే ఆ బిల్లులను చించి వేస్తున్నారు. 

ఇందువల్ల చిన్న చిన్న వ్యాపారులు, ఉత్పత్తిదారులు ఎక్కువగా నష్టపోతున్నారు. ప్రధానంగా హైదరాబాద్‌, రంగారెడ్డి జిల్లాల నురచి అనేక వస్తువులు బిల్లులు లేకుండానే విజయవాడ, ఏపీ లోని ఇతర ప్రారతాలకు తరలివస్తున్నాయి. వీటిలో వేటికీ వే బిల్లులు ఉండటం లేదు. మార్గ మధ్యంలో ఎక్కడా తనిఖీలూ లేవు. ఫలితంగా సరుకులు యథేచ్ఛగా సరిహద్దులు దాటేస్తున్నాయి. 

దీంతో జిఎస్టీతో విక్రయించాల్సిన ధరల కన్నా, 20 శాతం తక్కువ ధరకు ఆ సరుకులు లభిస్తూ ఉండడంతో స్థానికంగా చిన్న ఉత్పత్తిదారులు తీవ్రంగా నష్టపోతున్నారు. అక్రమంగా వచ్చిన సరుకులకూ కొందరు జిఎస్టీని వర్తింపజేస్తూ అమ్మకాలు చేసేస్తున్నారు. ఆ విక్రయాలు చేసే వినియోగదారులకు బిల్లులు ఇవ్వకుండా అదనపు లాభాలు ఆర్జిస్తున్నారు.