//single page style gallary page

Questions? reply in 15 minutes!

Questions? reply in 15 minutes!

భారత క్రికెటర్‌ యువరాజ్‌ సింగ్‌పై గృహ హింస కేసు

Category : sports

భారత క్రికెటర్‌ యువరాజ్‌ సింగ్‌పై గృహ హింస కింద కేసు నమోదైంది. యువరాజ్‌ సోదరుడు జవ్రోవర్‌ సింగ్‌ భార్య ఆకాంక్ష శర్మ ఈ కేసు పెట్టారు. భర్త జరోవర్‌తో పాటు యువరాజ్‌ సింగ్‌, అత్త షబ్నం సింగ్‌పై గృహ హింస చట్టం కింద కేసు నమోదు చేసినట్లు ఆకాంక్ష తరపు న్యాయవాది స్వాతి సింగ్‌ మాలిక్‌ తెలిపారు.

చాన్నాళ్ల నుంచి జరోవర్‌ నుంచి దూరంగా ఉంటోంది ఆకాంక్ష. వీరికి ఒక కుమారుడు ఉన్నాడు. ఇప్పుడు ఆ కుమారుడు ఎవరి వద్ద ఉండాలన్న దానిపై కోర్టులో కేసు కూడా నడుస్తోంది. అయితే గృహ హింస కేసులో యువరాజ్‌పై ఎలా కేసు నమోదు చేస్తారని ప్రశ్నించగా.. ‘శారీరక హింస కింద మాత్రమే ఈ కేసు నమోదు చేయరు.. మానసిక, ఆర్థిక ఒత్తిడి తీసుకువచ్చిన వారిపై కూడా ఈ కేసు నమోదు చేయవచ్చు. ఈ నేపథ్యంలో యువరాజ్‌ పేరు చేర్చాల్సి వచ్చింది. బిడ్డని కనాలంటూ జరోవర్‌, షబ్నం.. ఆకాంక్షపై ఒత్తిడి తీసుకువస్తున్నారు. ఈ విషయంలో యువీ తన కుటుంబసభ్యులకు మద్దతు పలుకుతున్నాడు. అందుకే అతని పేరు జత చేయాల్సి వచ్చింది’ అని స్వాతి చెప్పారు.

Related News