//single page style gallary page

Questions? reply in 15 minutes!

Questions? reply in 15 minutes!

ఆ దేశంలో యూనివర్సిటీ డిగ్రీలుంటే ఉద్యోగం కష్టమే !

Category : world

ఉన్నత చదువులు చదువుకున్న కొలది మంచి ఉద్యోగాలు, భారీగా జీతాలు వస్తాయని భావిస్తూ ఉంటాము. కానీ వియత్నాంలో మాత్రం యూనివర్సిటీ డిగ్రీలు ఉంటె మంచి ఉద్యోగాలు పొందడం కష్టం అంటున్నారు. ఇక మంచి సంపాదన కూడా చెప్పనవసరం లేదు. ఆ దేశంలో నిరుద్యోగం కూడా 2.3 శాతం మాత్రమే. కానీ యూనివర్సిటీ డిగ్రీలు ఉన్న వారిలో 17 శాతం మంది నిరుద్యోగులే. 

న్గుయెన్ వన్ డ్యూక్ ఆ దేశంలో ప్రసిద్ధి చెందిన యూనివర్సిటీ నుండి ఎకనామిక్స్ లో డిగ్రీ చేసాడు. రెండేళ్ల తరువాత ఇప్పుడు చూస్తే మోటార్ బైక్ టాక్సీ నడుపుతూ నెలకు 250 డాలర్ల వరకు సంపాదిస్తున్నాడు. ముగ్గురు పిల్లలు ఉంటె తల్లితండ్రులు కేవలం ఇతనిని మాత్రమే యూనివర్సిటీ కి పంపగలిగారు. మంచి ఉద్యోగం రాకపోవడమతొ ఆ కుటుంబం నిరాశకు గురయింది. 

డిగ్రీ లో మొదటి రెండేళ్లు ఉద్యోగాలకు అవసరమైన నైపుణ్యాలను కాకుండా ఆ దేశ అధినేత హోం చి మిన్హ జీవిత చరిత్రను, కమ్యూనిస్ట్ పార్టీ సిద్ధాంతాలను బోధించటం సరిపోతుందని, దానితో ఇతర నైపుణ్యాలు నేర్చుకొనే అవకాశం ఉండటం లేదని అతను వాపోయాడు. 

పాఠశాలలో అయితే తక్కువ జీతాలు పొందగల నైపుణ్యం పొందే శిక్షణ ఇస్తున్నారు. దానితో వారికి వెంటనే ఉద్యోగాలు వస్తున్నాయి. క్లిష్టమైన నైపుణ్యం గల పనులకు యువతను సిద్ధం చేయడంలో కాలేజీలు, యూనివర్సిటీ లు విఫలం అవుతూ ఉండడంతో వారి భవిష్యత్ అగమ్య గోచరంగా మిగిలింది. 

ప్రాధమిక వస్తు తయారీ రంగంలో అంతగా జీవన వ్యయం కానీ దేశాలలో జీతాలు గణనీయంగా పెరుగుతూ ఉంటె, వీరు ఆ ప్రయోజనాన్ని పొందలేకపోతున్నారు. వీటియం తలసరి ఆదాయాన్ని రెండు రేట్లకు, అంటే 4,000 డాలర్లకు పెంచాలనే ప్రపంచ బ్యాంక్  లక్ష్యానికి దానితో వియత్నాం చేరుకోలేక పోతున్నది. 

ఉన్నత విద్యపై విశేషంగా అవగాహన చేసిన కారణంగా సింగపూర్, దక్షిణ కొరియా, తైవాన్ వంటి దేశాలు ఆర్ధికంగా విశేషంగా ప్రగతి సాధిస్తూ ఉండటం గమనార్హం. అందుకు విరుద్ధంగా అర్జంటేనియ, బ్రెజిల్, మెక్సికో వంటి దేశాలు ఉన్నత విద్యపై తగు పెట్టుబడి పెట్టక పోవడంతో ఆర్ధిక ప్రగతి వేగం తగ్గుతున్నది. వియత్నాం లో ఇప్పుడు చాలామంది యువత తమదేశంలోని యూనివర్సిటీ లలో కన్నా విదేశాలలో ఉన్నత విద్య కోసం ప్రాధాన్యత ఇస్తున్నారు. 

Related News