//single page style gallary page

Questions? reply in 15 minutes!

Questions? reply in 15 minutes!

పీటర్సన్‌ ప్రశ్నకి ధోనీ కౌంటర్

Category : sports

గురువారం పుణె-ముంబయిల మధ్య జరిగిన మ్యాచ్‌లో ఇంగ్లాండ్‌ మాజీ ఆటగాడు కెవిన్‌ పీటర్సన్‌, మహేంద్రసింగ్ ధోనీలు స్టేడియంలో నవ్వులు పూయించారు.ఈ మ్యాచ్‌కి కామెంటేటర్‌గా వ్యవహరించిన పీటర్సన్‌, పుణె ఆటగాడు మనోజ్ తివారితో మైక్రోఫోన్‌లో సంభాషించాడు. ఈ సమయంలో తాను ధోనిని ఓ ప్రశ్న అడగలనుకుంటున్నాని అన్నాడు. సంభాషణలో భాగంగా ధోనీని ఉద్దేశించి పీటర్సన్‌ కొన్ని వ్యాఖ్యలు చేశాడు. ‘ధోనీ కంటే తానే గొప్ప ఆటగాడిని’ అని ఈ మాటలను ధోనీకి చేరవేయాలని తివారిని పీటర్సన్‌ కోరాడు. ఈ సంభాషణ అంతా ఓవర్‌ మధ్యలో ఉండటంతో, కొంత సమయం తరువాత వెళ్లి పీటర్సన్‌ చేసిన వ్యాఖ్యలను ధోనీకి తెలిపాడు. అది విన్న ధోనీ ఓ చిరునవ్వు నవ్వుతూ "నువ్వే నా తొలి టెస్టు వికెట్‌ కదా" అని తనదైన శైలిలో సమాధానం ఇచ్చాడు. వెంటనే పీటర్సన్‌ నవ్వులు చిందిస్తూ ధోనీని పొగిడాడు. 2011లో భారత్‌ టెస్టు సిరీస్‌ కోసం ఇంగ్లాండ్‌ వెళ్ళింది. ఈ సిరీస్ లో బౌలింగ్ చేసిన ధోనీ కెవిన్‌ పీటర్సన్‌ వికెట్‌ తీసుకున్నాడు. అందుకనే ధోనీ అలా ‘నువ్వే నా తొలి టెస్టు వికెట్‌ కదా’ అని అన్నాడు.