//single page style gallary page

Questions? reply in 15 minutes!

Questions? reply in 15 minutes!

ఫేక్ బుక్ లవ్ : ప్రియుడి కోసం ఢిల్లీ టు విశాఖ : ప్రియుడు ఏమీ చేశాడో తెలుసా ?

Category : national

సామాజిక మాధ్యమాల్లో పరిచయం స్నేహంగా తదుపరి ప్రేమగా మారడం, చివరకు మోసపోయేదాక వెళ్ళడం చూస్తూనే ఉన్నాం.

ఎన్ని అనుభవాలు విన్నా నేటి తరం యువతకు స్వీయ అనుభవం అయ్యేవరకు ఆ మాటలు వినరు. ఫేస్‌బుక్ పరిచయంతోనే గుడ్డిగా నమ్మి, అనేక మంది మోసపోతున్నారు. తాజగా ఫేస్‌బుక్‌లో ప్రేమలో పడి మరో యువతి మోసపోయింది. ప్రియుడి ఆచూకీ కోసం దేశ రాజధాని ఢిల్లీ నుంచి విశాఖకు వచ్చి అతడి గురించి ఆరా తీసింది. అక్కడకు వచ్చిన వరకు తెలుసుకోలేకపోయింది తాను మోసపోయానని.

ఈ నిజాన్ని ఆలస్యంగా గ్రహించిన బాధితురాలు తనకు న్యాయం చేయాలంటూ విశాఖ స్టీల్ ప్లాంట్ పోలీసులను ఆశ్రయించింది. విశాఖ స్టీల్‌ ప్లాంట్‌లో జూనియర్ మేనేజ్‌మెంట్ ట్రెయినీ కిషన్‌పాల్ సింగ్‌తో ఢిల్లీ యువతి రాణికి ఫేస్‌బుక్‌లో పరిచయం ఏర్పడింది. ఈ పరిచయం కొద్ది రోజుల్లోనే ప్రేమకు దారితీసింది. కిషన్‌పాల్‌తో పీకల్లోడు ప్రేమలో కూరుకుపోయిన రాణి, ఇంట్లో వాళ్లతో తనకు విశాఖలో ఉద్యోగం దొరికిందని అబద్దం చెప్పి వచ్చేసింది. గత సెప్టెంబరులో విశాఖపట్నం చేరుకున్న ఆమె డిసెంబరు వరకు కిషన్‌తో కలిసి ఉంది.

మూడు నెలల పాటు ఆమెతో సహజీవనం చేసి కిషన్‌పాల్, మోజు తీరిపోయిన తర్వాత తనకు రాజస్థాన్‌లో ట్రైనింగ్ ఉందంటూ బాధితురాలిని ఢిల్లీ రైల్వేస్టేషన్‌లో వదిలేశాడు. ఢిల్లీ వెళ్తున్నప్పుడు రైలు ప్రయాణంలోనే ఇద్దరూ కలిసి తీయించుకున్న ఫోటోలు, వీడియోలు, చాటింగ్, మెసేజ్‌లు అన్నింటినీ కిషన్ డిలీట్ చేసినట్లు రాణి చెప్పింది.

ఢిల్లీలో తనను విడిచి వారం రోజులైనా కిషన్ రాకపోవడం, మొబైల్ స్విచాఫ్‌లో ఉండటంతో రాణికి అనుమానం వచ్చింది. వాట్సప్, ఫేస్‌బుక్‌లలో బ్లాక్ చేయడంతో తాను మోసపోయినట్లు ఆలస్యంగా గ్రహించింది. స్నేహితుల సాయంతో విశాఖ వచ్చి పోలీసులకు ఫిర్యాదు చేసింది.