Questions? reply in 15 minutes!

Questions? reply in 15 minutes!

పాక్‌కు గుణపాఠం చెప్పడం కోసం , మరో కుమారున్ని సైతం సైన్యంలోకి పంపిస్తా.....!

Category : world

జమ్మూకశ్మీర్‌ పుల్వామా జిల్లాలో సీఆర్పీఎఫ్‌ కాన్వాయ్‌పై ఉగ్రవాదులు గురువారం దాడికి తెగబడిన సంగతి తెలిసిందే. ఈ దుర్ఘటనలో 44 మంది సీఆర్పీఎఫ్‌ జవాన్లు అక్కడికక్కడే ప్రాణాలు కోల్పోగా, మరో 20 మంది జవాన్లు తీవ్రంగా గాయపడ్డారు. ఇలా మరణించిన వారిలో బిహార్‌ భాగల్‌పూర్‌కు చెందిన రతన్‌ ఠాకూర్‌ కూడా ఉన్నారు. ఈ క్రమంలో రతన్‌ ఠాకూర్‌ తండ్రి మీడియాతో మాట్లాడడం జరిగింది. ఈ నేపథ్యంలో ఆయన మాట్లాడుతూ ...

‘నా కొడుకు దేశం కోసం ప్రాణాలర్పించాడు. భరతమాత కోసం ప్రాణాలర్పించి చరిత్రలో నిలిచిపోయాడు. ఓ తండ్రిగా ఇందుకు నేను ఎంతో గర్విస్తున్నాను. ప్రస్తుతం నేను బాధను, గర్వాన్ని రెండు అనుభవిస్తున్నాను. నా కొడుకు లాంటి చాల మంది వీర జవాన్లను చంపి.. వారి తల్లిదండ్రులకు తీరని కడుపు కోత మిగిల్చిన పాకిస్తాన్‌కు బుద్ది చెప్పాలి.

పాక్‌కు తగిన గుణపాఠం చెప్పడం కోసం మరో కుమారున్ని కూడా సైన్యంలోకే పంపిస్తాను. తనను కూడా భరతమాత సేవకే అర్పిస్తాను’ అంటూ ఉద్వేగంగా మాట్లాడారు.పంటి కింద దుక్కాన్ని అదిమి పట్టి ,కుమారు లేడనే భారాన్ని సైతం పక్కన పెట్టి.ఒక దేశ పౌరుడిగా,తండ్రిగా తన వంతు కర్తవ్యాన్ని గుర్తుకు చేసాడు రతన్‌ ఠాకూర్‌ తండ్రి.

Related News