//single page style gallary page

Questions? reply in 15 minutes!

Questions? reply in 15 minutes!

భారత్ పై యుద్ధం విషయంలో తోకముడిచింది చైనా !

Category : world

డోక్లాం నుంచి భారత దళాలను తిప్పికొట్టేందుకు స్వల్పకాలిక సైనిక చర్య చేపట్టాలంటూ నెల రోజులుగా చైనా అధికారిక మీడియాలో వస్తున్న కధనాల పట్ల మౌనంగా ఉంటూ వచ్చిన చైనా ప్రభుత్వం ఇప్పుడు ఆయా కథనాలకు తమకు సంబంధం లేదని స్పష్టం చేసింది. భారత మీడియా ప్రతినిధులతో  చైనా రక్షణ మంత్రిత్వ శాఖ ప్రతినిధి కర్నల్ రెన్ గ్వోకియాంగ్ మాట్లాడుతూ స్వల్పకాలిక సైనిక చర్య వంటి అభిప్రాయాలకు సంబంధించి అధికారిక ప్రకటనలు విదేశాంగ శాఖ లేదా రక్షణ మంత్రిత్వ శాఖ ప్రతినిధులు మాత్ర మే చేస్తారని స్పష్టం చేశారు.

 ఇటీవల చైనా అధికార పత్రిక గ్లోబల్ టైమ్స్ తమ దేశ సలహాదారుడు హు జియోంగ్‌ను ఉటంకిస్తూ రెండు వారాల్లో భారత సైన్యాలను డోక్లాం నుంచి వెళ్లగొట్టేందుకు స్వల్పకాలిక సైనిక చర్య జరుగుతుంది అని పేర్కొంది. దీనిపై ప్రశ్నించినప్పుడు రెన్ పై విధంగా స్పందించారు. డోక్లాంలోని పరిస్థితులను వివరించేందుకు కొంతమంది భారత జర్నలిస్టులను చైనా ప్రభుత్వం బీజింగ్‌కు ఆహ్వానించింది.

ఈ సందర్భంగా భారత్‌పై విషప్రచారానికి చైనా అడుగడుగునా ప్రయత్నించింది.ప్రజా విమోచన సైన్యం (పీఎల్‌ఏ) సీనియర్ కల్నల్ లీలీ, భారత సైనికులే తమ ప్రాదేశిక సరిహద్దుల్లోకి చొరబడి, భూభాగాన్ని ఆక్రమించారని చెప్పారు. ఎలాగైనా తమ భూభాగాన్ని కాపాడుకోవాలని మా సైన్యం తపిస్తున్నది. డోక్లాంలో యుద్ధాన్ని నివారించాలనుకుంటే భారత్ వెనుదిరగాల్సిందే అని కల్నల్ లీలీ చెప్పారు. "అధికారంలో ఉన్న చైనా కమ్యూనిస్టు పార్టీ (సీపీసీ), ఆర్మీ అత్యున్నత విభాగమైన సెంట్రల్ మిలిటరీ కమిషన్ చెప్పినట్లుగానే మేం నడుచుకుంటాం" అని పేర్కొన్నారు.

ఈ సందర్భంగా భారత జర్నలిస్టుల బృందం ఎదుట సైనిక పాటవాన్నీ, యుద్ధ నైపుణ్యాలను చైనా ప్రదర్శించింది. ఓ బుల్‌డోజర్‌తో సహా 48 భారత సైనిక బృందాలు ఇప్పటికీ డోక్లాంలోనే ఉన్నాయని చైనా ఆరోపించింది.