//single page style gallary page

Questions? reply in 15 minutes!

Questions? reply in 15 minutes!

ఎవరెస్ట్‌ క్లీనింగ్ చేపట్టిన చైనా

Category : world

ప్రపంచంలోనే ఎత్తయిన పర్వత శిఖరం  ఎవరెస్ట్‌ను శుభ్రపరిచేందుకు చైనా ప్రభుత్వం మొదటి సారిగా ఇప్పుడు నడుం బిగించింది. 8,848 మీటర్ల ఎత్తున్న ఎవరెస్ట్‌పై పేరుకుపోయిన చెత్తను తొలగించేందుకు చైనా, టింగ్రీ కౌంటీ ప్రభుత్వంతో కలిసి తొమ్మిది రోజుల కార్యక్రమం చేపట్టింది. పర్యాటకులు ఎక్కువగా సందర్శించే ఎవరెస్ట్ శిఖరం ఉత్తరభాగం వైపు ఈ క్లీనింగ్  ప్రారంభించింది. 

ఎవరెస్ట్ శిఖరంపై 5,200 మీటర్ల నుంచి 6,500 మీటర్ల ఎత్తులో విహారయాత్రికుల తాకిడి ఎక్కువగా ఉంటుంది. మొదటి 5 రోజులు ఆసియాలోని పామిర్స్, హిమాలయాలు, టిబెట్, మౌంట్ ఎవరెస్ట్ ప్రాంతాల పరిధిలో ఎవరెస్ట్ ఉత్తరభాగం నుంచి 4 టన్నుల చెత్తను సేకరించామని టిబెట్ స్పోర్ట్స్ అడ్మినిస్ట్రేషన్ డిప్యూటీ డైరెక్టర్ నైమా సెరింగ్ తెలిపారు. 

ప్రతీ ఏడాది ఎవరెస్ట్ ఉత్తరభాగానికి 60వేల మంది యాత్రికులు వస్తారు. ప్లాస్టిక్ బ్యాగులు, కిచెన్ సామాగ్రి, గుడారాలతోపాటు శిఖరంపై ఎక్కేటపుడు వాడే సామాగ్రిని పర్యాటకులు అక్కడే వదిలివెళ్తారు. క్లీనింగ్ క్యాంపెయిన్ లో వారు వదిలివెళ్లిన చెత్తను తొలగిస్తున్నామని తెలిపారు. చైనాతోపాటు విదేశీ వాలంటీర్లు, ఇతర అధికారుల బృందం క్లీనింగ్ క్యాంపెయిన్‌లో పాల్గొంది. 

రెండేళ్ల క్రితం భారతీయ సైనికులు నేపాల్ వైపు నుండి ఈ పర్వతాన్ని శుభ్రం చేశారు. ఇందులో 300 మందికి పైగా పర్వతోహకులు, స్థానికులు పాల్గొన్నారు. ఇప్పుడు ప్రపంచంలోనే ఎక్కువగా చెత్త ఉండే ఎత్తైన పర్వతంగా పేరొందింది. రెండు నెలల క్రితం కూడా నేపాల్ ప్రభుత్వం, పర్వత పర్యటన నిర్వాకుల బృందం కలసి 21 వేల అడుగుల మేరకు పర్వతాన్ని శుభ్రం చేశారు. 

Related News