//single page style gallary page

Questions? reply in 15 minutes!

Questions? reply in 15 minutes!

గోర‌ఖ్‌పూర్‌లో మొత్తం 290 మంది చిన్నారుల మృతి

Category : national state

మూడు వారాల క్రితం ఆక్సిజన్ కొరతతోపాటు వివిధ కారణాలతో 70 మంది నవజాత శిశువులు మరణించడంతో గోర‌ఖ్‌పూర్‌లోని బీఆర్డీ హాస్ప‌ట‌ల్  వార్తల్లో పతాక శీర్షికలకెక్కిన సంగతి తెలిసిందే. పరిస్థితిని అదుపులోకి తెచ్చేందుకు చర్యలు తీసుకుంటున్నామని యూపీ సీఎం యోగి ఆదిత్యనాథ్, కేంద్ర మంత్రులు ప్రకటించినా పరిస్థితిలో మార్పు రాలేదు.

 ఉత్తరప్రదేశ్‌లోని తూర్పు ప్రాంత జిల్లాలు, పొరుగున ఉన్న బీహార్‌తోపాటు నేపాల్ నుంచి భారీగా చిన్నారులు ఈ దవాఖానలో చికిత్స పొందుతున్నారు. నెలలు నిండకముందే జననం, తక్కువ బరువు, కామెర్లు, న్యూమోనియా, అంటువ్యాధులు, మెదడువాపు వ్యాధులతో పరిస్థితి మరింత విషమించిన తర్వాత తమ దవాఖానలో చేరుస్తారని బీఆర్డీ మెడికల్ కళాశాల ప్రిన్సిపాల్ పీకే సింగ్ తెలిపారు. 

ఒక డాక్టర్ పై వేటు వేయడం ద్వారా ప్రభుత్వ పొరపాటు ఏమీ లేదని చెప్పే ప్రయత్నం చేశారు. అయితే ఒక్క ఆగ‌స్టు నెల‌లోనే ఆ హాస్ప‌ట‌ల్లో సుమారు 290 మంది చిన్నారులు చ‌నిపోయిన‌ట్లు ప్రిన్సిపాల్ తెలపడం  దిగ్బ్రాంతి కలిగిస్తున్నది. 

వారిలో 213 మంది నియోనాట‌ల్ ఐసీయూలో, మ‌రో 77 మంది చిన్నారులు ఎన్‌సెఫ‌లైటిస్ వార్డులో ప్రాణాలు విడిచిన‌ట్లు ప్రిన్సిప‌ల్ చెప్పారు. ఈ ఏడాది జనవరి నుంచి సోమవారం వరకు నవజాత శిశువుల వార్డు, మెదడువాపు వార్డుల్లో కనీసం 1256 మంది బాలలు మరణించారని దవాఖానాలో  పీకే సింగ్ అన్నారు

Related News