Questions? reply in 15 minutes!

Questions? reply in 15 minutes!

ఘనంగా స్వాగతం పలికిన సిలికానాంధ్ర

Category : world

అమెరికాలో పర్యటిస్తున్న ఆంధ్రప్రదేశ్ ముఖ్యమంత్రి నారా చంద్రబాబు నాయుడుకు సిలికానాంధ్ర విశ్వవిద్యాలయం ఘనంగా స్వాగత ఏర్పాట్లు చేసింది. ముఖ్యమంత్రి పర్యటన సందర్భంగా రోజుకు లక్షకు పైగా వాహనాలు తిరిగే అతి పెద్ద జాతీయ రహదారిపై ఉన్న సిలికానాంధ్ర విశ్వవిద్యాలయం, డా. హనిమిరెడ్డి లక్కిరెడ్డి భవనం పై నుండి 500 చదరపు అడుగుల భారీ ఫ్లెక్సీ ఏర్పాటు చేసి… యావత్ బే ఏరియా దృష్టి అటువైపు మరల్చేలా చేసింది సిలికానాంధ్ర. కూచిపూడి నాట్యారామం అధ్యక్షులు ఆనంద్ కూచిభొట్ల సారధ్యంలో సిలికానాంధ్ర సభ్యులు దిలీప్ కొండిపర్తి, రాజు చమర్తి, దీనబాబు కొండుభట్ల, సాయి కందుల, వంశీ నాదెళ్ళ, సిద్దార్ధ్ నూకల, రవి చివుకుల, కిషోర్ గంధం, యష్వంత్, దిలీప్ సన్రాజు, సిలికానాంధ్ర ఆడపడుచులు ప్రభ మాలెంపాటి, స్నేహ వేదుల, నిరుపమ, శ్రీవల్లి, శిరీష, జయంతి కోట్ని తదితరులు యూనివర్సిటీ ప్రాంగణాన్ని అందంగా ముస్తాబు చేస్తున్నారు. ఇప్పటికే తాము దత్తత తీసుకున్న కూచిపూడి గ్రామం ఆదర్శగ్రామంగా తీర్చిదిద్ది ముఖ్యమంత్రి ప్రశంసలందుకున్న సిలికానాంధ్ర, భారతీయ కళలను అందించే విశ్వవిద్యాలయం నెలకొల్పిన తొలి తెలుగు సంస్థగా అందరి దృష్టీ ఆకర్షిస్తోంది సిలికానాంధ్ర విశ్వవిద్యాలయం.

Related News