Questions? reply in 15 minutes!

Questions? reply in 15 minutes!

డెమోయిన్ లో చంద్రబాబుకి ఘన స్వాగతం

Category : state world politics

ఆంధ్రప్రదేశ్ రాష్ట్ర ముఖ్యమంత్రి శ్రీ నారా చంద్రబాబు నాయుడి అమెరికా పర్యటన విజయవంతముగా కొనసాగుతుంది. ఈ సందర్భముగా డెమోయిన్ లో పర్యటించిన చంద్రబాబుకి అక్కడి తెలుగువారి నుంచి ఘన స్వాగతం లభించింది. కాన్సాస్ రాష్ట్రం నుంచి కూడా తెలుగుదేశం అభిమానులు తరలివచ్చి ఈ కార్యక్రమం లో పాలుపంచుకున్నారు. అమెరికాలోని ప్రముఖ ఐ. టి సంస్థలలోను, ఇతర రంగాల్లోను పనిచేస్తున్న తెలుగువారు చంద్రబాబు ని ఘనంగా సన్మానించారు. ఉమ్మడి రాష్ట్ర ముఖ్య మంత్రిగా ఉన్నపుడు ఐ. టి రంగంలో అయన చేసిన కృషి వల్లే తాము ఈ రోజు ఇక్కడ వరకు రాగలిగామని, అలాగే అమరావతి నిర్మాణాన్ని పూర్తి చేయగల సత్తా ఆయనకు మాత్రమే ఉందని కొనియాడారు.

ఈ సందర్భముగా చంద్రబాబు మాట్లాడుతూ సౌర విద్యుత్ టెక్నాలజీ కి సంబంధించి ప్రపంచ ప్రసిద్ధి గాంచిన టెస్లా సంస్థ తో ఆంధ్రప్రదేశ్ ప్రభుత్వం అవగాహనా ఒప్పందం కుదుర్చుకున్నట్టు తెలిపారు. సౌర విద్యుత్ నిల్వ లో ఉన్న ఇబ్బందులని టెస్లా భాగస్వామ్యం తో సులభతరం చేస్తామని, అలాగే రైతులు బోర్ వెల్స్ కి వాడుకోగా మిగిలిన సౌర విద్యుత్ ని సమీప గ్రిడ్ కి అనుసంధానం చేస్తామని దీని వల్ల రైతులకు కొంత ఆదాయం కూడా లభిస్తుంది అని తెలిపారు.

ఈ కార్యక్రమము లో అరుణ్ కొమ్మినేని, గోపికృష్ణ మాదల, నాయుడు వట్టిగుంట, వెంకట్ నల్లూరి, గౌతమ్ నల్లూరి, రజని యంపాటి, బాబు కోట ఇంకా ఇతర ఎన్‌.ఆర్‌.ఐ లు పాల్గొన్నారు.