//single page style gallary page

Questions? reply in 15 minutes!

Questions? reply in 15 minutes!

పశుగ్రాస కుంభకోణంలో స్కూటర్లపై బర్రెలు

Category : national politics

పశుదాణా కుంభకోణంలో నాలుగు కేసుల్ని ఆర్జేడీ అధినేత లాలూ ప్రసాద్ యాదవ్ విడివిడిగా ఎదుర్కోవాల్సిందేనని సుప్రీం కోర్ట్ స్పష్టం చేయడంతో దేశంలో మొదటి మెగా కుంభకోణంగా భావించే ఈ కేసులో చిత్ర విచిత్ర బిల్లు లను దాఖలు చేసి వందల కోట్లా రూపాయల ప్రజా ధనాన్ని యెట్లా దుర్వినియోగం చేశారో మరోసారి వెల్లడైనది. 

మొత్తం 53 కేసులు దాఖలు కాగా, ప్రస్తుతం లాలుపై అభియోగాలు పునరుద్ధరించాలని సుప్రీంకోర్టు ఆదేశించినది వీటిలో 45వ కేసు. లాలు, జగన్నాథ్ మిశ్రాతోపాటు పలువురు ఐఏఎస్ అధికారులు మొత్తం 54 మంది కేసులు ఎదుర్కొంటున్నారు. వీరిలో ఏడుగురు విచారణ కాలంలో చనిపోయారు. నకిలీ బిల్లులు పెట్టి రూ.37.7 కోట్లు విత్‌డ్రా చేసిన చాయిబాసా ట్రెజరీ కేసులో లాలుకు మూడేళ్ళ క్రితం ఐదేండ్ల శిక్ష పడింది. ఈ కేసులోనే  దున్నపోతులు, బర్రెలను ద్విచక్రవాహనాలపై వందల కిలోమీటర్ల దూరంలోని ప్రాంతాలకు తరలించినట్టు కూడా బిల్లులు పెట్టారు. కొన్నింటిలోనైతే రూ.15లక్షలు విలువ చేసే 500 కిలోల ఆవ నూనెను ఎద్దుల కొమ్ములను పాలిష్ చేసేందుకు సరఫరా చేశామని బిల్లులు పొందారు. 

అప్పటి పశుసంవర్ధకశాఖ అధికారి ఆర్కే రాణా పందులను కొనుగోలు చేసినట్టు బిల్లులు పెట్టారు. వాటిని పంజాబ్ నుంచి బీహార్‌కు తరలిస్తుండగా సగం వరకూ యూపీలోని వారణాసి సమీపంలో చనిపోయాయని పేర్కొన్నారు. ఇవన్నీ బోగస్ అని సీబీఐ గుర్తించింది. అయినా రాణా  తర్వాతి కాలంలో ఆర్జేడీ ఎంపీగా రాజ్యసభలో అడుగు పెట్టారు.