//single page style gallary page

Questions? reply in 15 minutes!

Questions? reply in 15 minutes!

అఖిలపక్ష సమావేశంలో రచ్చ చేసిన బుట్టా రేణుక?

Category : politics

పార్లమెంట్ వర్షాకాల సమావేశాల నేపథ్యంలో నిర్వహించిన అఖిలపక్ష సమావేశంలో కర్నూలు ఎంపీ బుట్టా రేణుక దీనిపై రచ్చ జరిగింది. వైఎస్సార్ కాంగ్రెస్ పార్టీ తరఫున గత ఎన్నికల్లో ఎంపీగా నెగ్గిన రేణుక తర్వాత తెలుగుదేశం పార్టీలోకి మారారు... తెలుగుదేశం పార్టీ అధికారిక కార్యక్రమాల్లో కూడా ఆమె పాల్గొంటూ ఉన్నారు. టీడీఎల్పీ మీటింగులను కూడా ఆమె మిస్ కావడం లేదు. ఇలా తెలుగుదేశం పార్టీ ఎంపీగా చలామణి అయిపోతున్నారు రేణుక.

ఇలాంటి సందర్భంలో అఖిలపక్ష సమావేశానికి వైఎస్సార్ కాంగ్రెస్ పార్టీ ప్రతినిధిగా ఆహ్వానించారు. ఇటీవల వైసీపీలోని ఐదుగురు ఎంపీలు రాజీనామా చేసిన సంగతి తెలిసిందే. ప్రత్యేకహోదా విషయంలో కేంద్ర ప్రభుత్వ వైఖరికి నిరసనగా వారు రాజీనామాలు చేశారు. ఈ నేపథ్యంలో అధికారికంగా వైసీపీ తరఫున ఎన్నిక అయిన రేణుకను ఆ పార్టీ తరఫున ఆహ్వానించారు.

ఈ విషయంపై వైఎస్సార్ కాంగ్రెస్ పార్టీ రాజ్యసభ సభ్యుడు విజయసాయి రెడ్డి అభ్యంతరం వ్యక్తం చేసినట్టుగా తెలుస్తోంది. ఈ విషయాన్ని ఆయనే చెప్పారు. ఆమె పార్టీ మార్చారని, దీనిపై స్పీకర్ కు ఫిర్యాదు కూడా చేశామని, ఆమెపై అనర్హత వేటు వేయాల్సింది పోయి.. టీడీఎల్పీ మీటింగుల్లో పాల్గొనే ఆమెను వైసీపీ ప్రతినిధిగా ఎలా ఆహ్వానిస్తారని సాయిరెడ్డి ప్రశ్నించారని సమాచారం. అనర్హత వేటు పిటిషన్ పెండింగ్ లో ఉందని పార్లమెంటరీ వ్యవహారాల మంత్రి సమాధానం ఇచ్చారట. అయితే ఆమె నేమ్ ప్లేట్ ను తొలగించాలని, లేకపోతే తాము అఖిలపక్ష సమావేశాన్ని బహిష్కరిస్తామని సాయిరెడ్డి వాదించినట్టుగా తెలుస్తోంది. చివరకు రేణుక నేమ్ ప్లేట్ ను తొలగించినట్టుగా సాయిరెడ్డి మీడియాకు చెప్పారు. దానితో రేణుక రచ్చ మాములుగా చేయలేదని చెప్పుకొచ్చారు...

Related News